काठमाडौं – साउन २६ : नेपाल खानेपानी संस्थानको बुटवलस्थित कार्यालयका प्रमुख इन्जिनियर सन्तोष साह घुुससहित पक्राउ परेका छन् ।
गुप्त सूचनाका आधारमा कार्यालयका विभिन्न व्यक्तिहरुबाट घुस रकम उठाएर काठमाडौंतर्फ जाँदै गर्दा टंगालबाट खटिएको अख्तियारकाे टोलीले साहलाई पक्राउ गरेकाे हाे ।
गाडी चेक जाँच गर्ने क्रममा आइतबार संस्थानको लु १ ञ ९५ नम्बरको गाडीमा बुटवलबाट काठमाडौं जांदै गर्दा धादिङको धुनिवेसी नगरपालिका वडा नम्बर ८ स्थित खानीखोलाबाट उनी पक्राउ परेका हुन् ।
श्रोत नखुलेको नगद रकम दुई लाख तेत्तीस हजार पाँच सय र बैंकमा जम्मा गरेको बैंक भौचर आठ लाख बाइस हजार बराबरको रकम फेला परेको अख्तियार प्रवक्ता तारानाथ अधिकारीले सोमबार जानकारी दिए ।
