काठमाण्डाैं, साउन २३ ।
जल तथा मौसम विज्ञान विभागले शुक्रबारको मौसम पूर्वानुमान जारी गर्दै मनसुनी न्युन चापीय रेखा हाल नेपालभन्दा दक्षिणतर्फ अवस्थित रहेको जनाएको छ ।
आज (शुक्रबार) देशका थोरै स्थानमा वर्षा भए पनि धेरै स्थानमा घाम लाग्ने सम्भावना रहेको मौसमविद्ले जानकारी दिएका छन् ।
मौसम विज्ञान विभागले दिउँसो देशभर सामान्य बदली रही थोरै स्थानहरुमा मेघगर्जन, चट्याङ्गसहित हल्का देखि मध्यम वर्षाको सम्भावना रहेको जनाएको छ ।
मौसम पूर्वानुमान महाशाखाका अनुसार राति देशका केही स्थानमा मेघगर्जनरचट्याङसहित देशका केही स्थानमा हल्कादेखि मध्यमसम्म वर्षा हुने सम्भावना छ भने प्रदेश–१, बागमती र गण्डकी प्रदेशका एक–दुई स्थानहरूमा भने भारी वर्षा हुने सम्भावना पनि छ ।
