साउन २० :- साउन १२ गते काठमाडौंको कपनमा भेटिएकी शिशुकी आमा पत्ता लागेको छ । प्र’हरीले खोजतलास गरेपछि ती शिशुकी आमा दुई जना सहयोगी महिलाका साथ आएर छोरी लगेर गएकी छिन् ।
वैदेशिक रोजगारीमा गएकी ती महिलाले काठमाडौं आउनेवित्तिकै शिशुलाई जन्मदिएकी थिइन् । काठमाडौंकै एउटा आश्रयस्थल अर्थात एनजिओमा बसेकी ती महिलाकै मिलोमतोमा केयर बालगृहकी पुष्पा अधिकारीसँग मिलेर शिशुलाई फालेको नाटक गरी पैसा संकलनको योजना बनाएको रहस्य समेत खुलेको छ । पुष्पा अधिकारीले सो कुरा स्वीकार गरेकी छिन् ।
कपनमा काग’जको कार्टुनमा ती शिशुलाई राखेर यही साउन १२ गते सोमबारका दिनका फालिएको अवस्थामा भेटिएको भनेर समाचार आएको थियो । कपनको चौरमा फालिएकी शिशुलाई सोही क्षेत्रमा रहेको केयर बालगृहकी संस्थापक अधिकारीले पालन पोषणको जिम्मा लिएको कुरा सार्वजनिक भएको थियो । उनीहरूको योजनामा शिशुलाई देखाएपछि राम्रै सहयोग जुटेको अधिकारीले बताकी छिन् ।
परिवारलाई खवर नगरी काठमाडौंमै एनजिओमा आश्रय लिई बसेको समयमा शिशु जन्मेपछि सहयोगीमार्फत् उनको केयर बालगृहकी संस्थापक अधिकारीसँग भेट भएको थियो । आमा र अधिकारीको मिलमतोमा साउन १२ गते नाटक मञ्चन गरी शिशुलाई कार्टुनमा राखेको खुलासा भएको छ ।
घ’टना उजागर भएलगत्तै केयर बालगृहकी संस्थापक अधिकारी, शिशुकी आमा र सहयोगीलाई प्र’हरीेले नियन्त्रणमा लिई अनुसन्धान थालेको छ ।
बौद्ध प्रहरीका डीएसपी नवीन कार्कीले शिशुको घ’टनाका विषयमा अनुसन्धान जारी रहेको बताएका छन् । डीएसपी कार्कीले घ’टनाका दोषीलाई कारबाही गरिने बताएका छन् । कुनै पनि शिशु फालिएको भेटिएमा शुरुमा प्र’हरीलाई खबर गर्नुपर्ने थियो । तर, पुष्पा अधिकारीले त्यसो नगरी सञ्चारमाध्यम बोलाई दृश्य खिच्न लगाएकी थिइन् ।
प्र’हरीले निगरानी थालेपछि शिशुकी आमा दुई जना महिला सहयोगीसहित आएर शिशुलाई लिएर गएकी छिन् । अधिकारीको चार वर्षअघि खोलिएको संस्थामा हालसम्म २० भन्दा बढी बालबालिकाले आश्रय लिएका छन् ।
