फर्साटिकर रुपन्देही ,साउन ३
नेपाली काङ्ग्रेस शुद्धोधन गाउँपालिका कार्यसमितिले क्यालेन्डर विमोचन तथा सम्मान कार्यक्रम आज सम्पन्न गरेको छ।
नेपाली काङ्ग्रेस रुपन्देही जिल्ला कार्यसमिती सभापति अब्दुल रज्जाकले क्यालेन्डरको विमोचन गर्नुभयो ।
कार्यसमितिले शुद्धोधन गाउँपालिका भित्र रहेका नेपाली काङ्ग्रेसमा इमानदारीता पुर्वक लागेर योगदान पुर्याएका १०३ जना नेता तथा कार्यकर्तालाई सम्मान गरेको छ ।
कार्यक्रममा बोल्दै नेपाली काङ्ग्रेस जिल्ला सभापति अब्दुल रज्जाकले काङ्ग्रेसको संगठन राम्रो गराउन शुद्धोधन काँग्रेसले गरेको कामहरु सराहनिय गरेको भन्दै धन्यवाद दिनुभयो।उहाँले कम्युनिष्ट सरकारले जनतामाझ छलकपट गरि भ्रष्टाचार गरिरहेकाले काँग्रेसले निरन्तर खबरदारि गर्नुपर्ने बताउनु भयो।
संविधान सभा सदस्य इस्तियाक अहमद खानले अहिलेका युवालाई प्रोत्साहन गरेर काङ्ग्रेस बलियो हुने बताउदै कम्युनिष्ट सरकार हरेक कुरामा भ्रम फैलाएर गलत कुरा पनि सत्य सावित गर्न उद्दत रहेकाले जनता सजक हुनुपर्ने बताउनु भयो।
नेपाली काङ्ग्रेस जिल्ला सचीव रामकृष्ण खाणले रुपन्देहीमा रहेका १६ स्थानिय तहमध्ये शुद्धोधन काङ्ग्रेसको सक्रियता पहिलो नम्बरमा भएको र मुल्यांकन गरि जिल्लाले पुरस्कार समेत प्रदान गर्ने बताउनुभयो ।
सचिव खाणले सत्तामा टिकिरहन कम्युनिष्टहरु जस्तोसुकै गलत कार्य पछि नपर्ने बताउदै भष्ट्राचार र नेकपा सिक्काका दुई पाटो भएको बताउनुभयो।
शुद्धोधन गाउँपालिका वडा न.४ का काङ्ग्रेस सभापति नन्दबहादुर क्षेत्री ,महिला नेतृ रामेश्वरी सिंह , प्रदेश ५ सांसद तथा नेपाली काङ्ग्रेस नेतृ पुष्पा चौधरी,पुर्व महासमिति सदस्यद्वय हरिध्वोज मल्ल ,सोमनाथ शर्मा, पार्टीका महाधिवेशन प्रतिनिधि भरथरी यादव लगायतले आफ्नो भनाइ राख्नुभएको थियो।
शुद्धोधन काङ्ग्रेस सभापति सेरबहादुर काफ्लेको अध्यक्षता, काङ्ग्रेस जिल्ला कार्यसमिति रुपन्देहीका सभापति अब्दुल रज्जाकको प्रमुख आतिथ्यता, काङ्ग्रेस जिल्ला सचीव रामकृष्ण खाण ,संविधानसभा सदस्य इन्तिया अहमद खान ,काङ्ग्रेस जिल्ला उपसभापति द्वय फणीन्द्र शर्मा र सरिता चौधरीको विशिष्ट आतिथ्यता रहेको थियो।
पार्टीका गाउँपालिका उपसभापति दामोदर पौडेलको स्वागत रहेको कार्यक्रमको सञ्चालन पार्टी गाउँपालिका सचीव एंव प्रवक्ता धनराज कँडेलले गर्नुभएको थियो।
