रूपन्देहीको सहकारी अभियानको तर्फबाट रूपन्देहीका पालिकालाई कोभिड-१९ बाट सुरक्षित रहने स्वास्थ्य सामाग्री हस्तान्तरण गरिएको छ। अन्तर्राष्ट्रिय सहकारी दिवस (जुलाई ४) को अवसरमा जिल्ला सहकारी संघ रूपन्देहीको नेतृत्वमा जिल्लामा रहेका विषयगत सहकारीका जिल्ला संघ, सहकारी बैंक, बचत तथा ऋण केन्द्रीय सहकारी संघ (नेफ्स्कुन) तथा प्रारम्भिक सहकारीको सहभागितामा जिल्लाका १६ वटा पालिकालाई स्वास्थ्य सामाग्री हस्तान्तरण गरिएको हो। २०७७ असार २२ गते बुटवल उपमहानगरपालिकाबाट शुरू गरिएको सामाग्री हस्तान्तरण कार्यक्रम आज असार २५ गते सम्मरीमाई गाउँपालिकाबाट समापन भएको छ।
सहकारी अभियानको तर्फबाट सहकारी संघका प्रतिनिधिहरू हरेक पालिकाका कार्यालयमा पुगि प्रत्येक पालिकालाई ४०० थान मास्क, २५.५ लिटर सेनिटाइजर, १२ लिटर फिनेल, १६ लिटर क्षमताको मेनुअल स्प्रे, १ लिटर क्षमताका ५ थान स्प्रे गन, ३ प्याकेट किटनाटक औसधि वितरण गरिएको छ।