ललितपुर -कोरोनाको महामारीको बेलामा स्टार हस्पिटलका एक स्टाफ नर्स सहित थप दुई जना कर्मचारीमा कोरोना पोजिटिभ देखिएको छ ।असार १९ गते स्टार हस्पिटलमा कार्यरत स्वास्थ्यकर्मी तथा कर्मचारीहरु स्वाब संकलन गरी पाटन हस्पिटलमा परीक्षण गर्दा कोरोजना पोजिटिभ देखिएको हो ।
कोरोना संक्रमितहरुमा काठमाडौं जिल्ला, चन्दागिरी नगरपालिका वडा नं. १२ दहचोक बस्ने वर्ष २४ की स्टाफ नर्स, मकवानपुर जिल्ला, हेटौंडा घर भई हाल ललितपुर जिल्ला महालक्ष्मी नगरपालिका वडा नं. ८ लुभु बस्ने ३२ वर्षको गार्ड र ललितपुर महानगरपालिका वडा नं. २५ भैसेपाटी बस्ने वर्ष ४५ की हाउसकिपिङ काम गर्ने महिला रहेको स्वास्थ्य स्रोतले बतायो । उनीहरुको स्वास्थ्य अवस्था सामान्य रहेको छ ।
