असार १९ -कृषि विकास बैंक फर्साटिकर शाखाले रुपन्देहीको शुद्धोधन गाउँपालिकालाई ५०,००० सहयोग हस्तान्तरण गरेको छ।
बैंकको सामाजिक उत्तरदायित्व अन्तर्गत गाउँपालिकाको कोरोना भाइरस (कोभिड १९)नियन्त्रण अभियानका लागि नगद सहयोग गरेको हो।
सहयोग हस्तान्तरण कार्यक्रममा बोल्दै शुद्धोधन गाउँपालिका अध्यक्ष किसुनचन्द चौधरीले कृषि विकास बैंकले कोरोना नियन्त्रण र रोकथामका लागि शुद्धोधन गाउँपालिका सङ्गै समन्वय गर्दै नगद सहयोग गरेकोमा धन्यवाद दिनुभयो।उहाले आगामी दिनमा बैंकले उठान गरेका विभिन्न योजनामा गाउँपालिकाले सहयोग गर्ने बताउनुभयो ।
कृषि विकास बैक प्रदेश ५ भैरहवाका प्रदेश निर्देशक चन्द्रसिंह थापाले राज्यले अपेक्षा बमोजिम कोरोना भाइरसको नियन्त्रण गर्न सहयोग गरेको बताउनुभयो ।
शुद्धोधन गाउँपालिका कृषि पकेट क्षेत्र भएकाले कृषि क्षेत्रको विकासका लागि बैंकसङ्ग समन्वय गर्नुपर्ने बताउनुभयो ।
बैंकका फर्साटिकर शाखा प्रवन्धक यमप्रसाद आचार्यले कोरोना भाइरसले सृजना गरेको विषम परिस्थितिमा बैंकले गाउँपालिकालाइ केही सहज होस भनी नगद हस्तान्तरण गरिएको बताउनुभयो ।
प्रदेश ५ कार्यलय भैरहवाका वरिष्ठ ऋण अधिकृत नवराज गौतमको स्वागत मन्तव्य रहेको कार्यक्रममा वरिष्ठ ब्यवसाय अधिकृत अनिल भुसालले स्वरोजगार र सहुलियतपुर्ण कर्जा कार्यक्रमको बारेमा प्रकाश पार्नुभएको थियो।
गाउँपालिका प्रमुख प्रशासकीय अधिकृत अनन्तपाणी मरासिनी ,गाउँपालिका उपाध्यक्ष शान्तादेवी ज्ञवालीले
गाउँपालिका प्रवक्ता तथा वडान. ४ का अध्यक्ष राजेन्द्र कडेलले बैंकले गाउँपालिकालाई सहयोग गरेकोमा आभार व्यक्त गर्नुभयो ।
कार्यक्रम कृषि विकास बैंक फर्साटिकर शाखाका प्रवन्धक यमप्रसाद आचार्यको अध्यक्षता,बैंकका प्रदेश ५ का निर्देशक चन्द्र सिंह थापाको प्रमुख आतिथ्यता,गाउँपालिका अध्यक्ष किसुनचन्द चौधरी ,उपाध्यक्ष शान्तादेवी ज्ञवालीको विशिष्ट आतिथ्यता रहेको कार्यक्रममा वडा न.२ का अध्यक्ष विस्नुप्रसाद बस्याल, वडा न .५ का अध्यक्ष पुण्यप्रसाद गौतम ,शुद्धोधन वडा न.३ का सचीव अग्नि पौडेल,वडा ३ का सदस्य णमकुमारी पङ्गेनी ,पत्रकार लगायतको उपस्थिति रहेको थियो भने सहयोग हस्तान्तरण कार्यक्रमको सञ्चालन बैंकका फर्साटिकर शाखाका नवराज न्यौपानेले गर्नुभएको थियो।
