सलह किराका कारण किसानहरु त्रसित, अन्नबालीमा सलहको प्रकोप

मदाने गुल्मी, १८ असार । गुल्मीमा पनि सलह किरा देखिएको छ । जिल्लाको पश्चिमी स्थानिय तह मदाने गाउँपालिकामा बुधबार बाक्लो मात्रामा सलह किरा देखिएको छ । लाखौंको संख्यामा आएको सलह किराको झुन्डले मकै लगायतका हरिया अन्नबाली खाएका छन । गाउपालिकाका सबैजसो वडा हरुमा देखिएको सरह किरा प्युठान खुङहुदै र अर्घाखाँचीबाट प्रवेश गरि बाक्लो झुन्ड गाउँपालिकाको वडा नम्बर १ अग्लुङ्ग हुदै बाग्लुङ तिर प्रवेश गरेको अनुमान गरिएको छ ।

बुधबार स्थानिय गाउलेहरुले आआफ्नो खेतबारीमा अन्नबाली जोगाउन तल्लिन थिए । यो किरा कसरी भगाउन सकिन्छ भनेर घरेलु उपायहरु अपनाईरहेका थिए । कसैले थाल ठटाउन व्यस्त थिए त कसैले आगो बालेर धुवारिरहेका थिए । कसैले मादल झ्याली बजाइरहेका त कोही ठुलाठुला हर्न बजाइरहेको सुन्न सकिन्थ्यो । ध्वनि प्रदुषणका कारण सलह भाग्छ भनेर स्थानिय हरु यस्तो उपाय अपनाएको बताउछन् ।

स्थानिय किसानहरु चिन्तित बनेका छन । सलहका कारण आफू बर्ष दिन लगाएको खेतिकिसानि नष्ट गरिदिएको भन्दै आफ्नो दुखेसो पोखेका छन । उनिहरुले सरकार सँग राहात प्रदान गर्न पनि माग गरेका छन ।