काठमाडौँ । रुकुम पश्चिम चौरजहारी घटनामा मारिएका जाजरकोटका नवराज विकलाई सरकारले मरणेपरान्त पुरस्कृत गर्ने भएको छ ।
उनलाई २०७६ सालको भगत सर्वजित मानव मर्यादा पुरस्कारअन्तर्गत समाज सुधार अभियानतर्फ पुरस्कृत गर्ने निर्णय गरिएको संस्कृति, पर्यटन तथा नागरिक उड्डयन मन्त्रालयले जनाएको हो ।
मन्त्रालयले आज विज्ञप्ति प्रकाशित गरी विकलाई एक लाख रुपैयाँ राशीको यो पुरस्कार दिन लागेको जनाएको छ ।
सरकारले २०७३ सालबाट समाज सुधार, सामाजिक न्याय, समता तथा दलित मुक्ति आन्दोलनमा योगदान गरेका भगत सर्वजित विश्वकर्माको कदरस्वरुप यो पुरस्कार प्रदान गर्न थालेको हो ।
गत जेठ १० मा प्रेमिका लिन साथीहरुसहित पश्चिम रुकुम पुगेका विकसहित ६ जनाको स्थानीयहरुले हत्या गरेर नदीमा फालेका थिए ।
