गाउँपालिकामा अनियमितता भएको भन्दै काङ्ग्रेसले बुझायो ध्यानाकर्षण पत्र

फर्साटिकर रुपन्देही
असार १०
रुपन्देहिको शुद्धोधन गाउँपालिकामा जनताको अपेक्षा बमोजिम कामहरु गर्नुपर्नेमा जनअपेक्षा विपरीत विभिन्न बिसङ्गती,बिकृती र अनियमितता भएको ठहर गर्दै नेपाली काङ्ग्रेस शुद्धोधनले मंगलबार गाउँपालिका अध्यक्ष किसुनचन्द्र चौधरीलाई ज्ञापनपत्र बुझाइ गम्भीर ध्यानाकर्षण भएको जनाएको छ।

काङ्ग्रेसले शुद्धोधनमा गाउँपालिकाले विभिन्न गल्ती भएकाले गल्ती सुधार गर्नका लागि ज्ञापनपत्र बुझाएको बताएको छ।
ज्ञापनपत्रमा गाउँपालिकामा नदिजन्य पदार्थ बालुवा,गिट्टीको निकासी र विक्री वितरणमा भएको,अझैसम्म गाउँपालिकाका सबै वडा कार्यालयहरु स्थापना गर्न नसकेको,अवधि पूरा भए पनि टोल विकास संस्थाहरुको पुर्नगठन नगरी तदर्थवाद्मा संचालन भएको ,वडाअध्यक्षबाट फर्साटिकर माविको जग्गा मिच्ने काम भएको ,अपारदर्शी ढङ्गले नियम विपरीत विज्ञापनबाट कर्मचारी नियुक्ति गरेको,सरकारी अनुदान रकममा पक्षपात गरेको, सार्वजनिक जमिन ,मन्दिर,सत्तल,चौरको अभिलेखिकरण र संरक्षण गर्न नसकेको पुराना सडक र बस्तीको बेबास्ता गरि जनप्रतिनिधिको घरअगाडि मात्र अस्वभाविक सडक निर्माण गरेको काङ्ग्रेसले ठहर गरेको छ।

यस्तै मनोमानी ढङ्गले योजना छनोट गरेको ,किसानले धानको बीउ ब्यवस्था गरिसकेपछि समय सकीएपछी धानको बीउ वितरणमा नाटक गरेको,सरकारी काम बाहेक ,विदाको दिनमा समेत सरकारी सवारी साधन संचालन गरि दुरुपयोग गरेको।
विद्यालय अस्पताल तथा प्रशासनिक भवन आदिमा खरिद ऐन विपरित अपारदर्शी तरिकाले वस्तु,उपकरण तथा सेवा खरिद गरेको लगायतका कुराहरु उल्लेख गरि ज्ञापन पत्र शुद्धोधन गाउँपालिकाका अध्यक्ष किसुनचन्द चौधरीलाई काङ्ग्रेस शुद्धोधनका सभापति शेरबहादुर काफ्ले,उपसभापति दामोदर पौडेल ,सचीव धनराज कडेलले ज्ञापनपत्र बुझाउनु भएको थियो।