जनताको मन जित्न सफल सशस्त्रका इन्चार्ज दिपेन्द्र पौडेल

फर्साटिकर रुपन्देही
देशमा अमनचयन कायम गरि आम जनतालाई शान्ति सुरक्षाको प्रत्याभूति दिलाउन बनेको पवित्र संगठन ससस्त्र प्रहरी संगठन हो ।तर पनि शान्ती सुरक्षामा खटिएका प्रहरीहरु विभिन्न लोभ लालचमा परी चलखेलमा लागेका बेलाबखतमा विभिन्न सञ्चारमाध्यममा समाचार प्रकाशन र प्रसारण भएको हुन्छ त्यसले गर्दा प्रहरीको गरिमामा आच आउने गरेको छ भने केही प्रहरी त्यस्तो किसिमको कुनै लोभलालचमा नपरी इमान्दारी र निष्ठापुर्बक आफ्नो कर्तब्य निभाइएको देखिन्छ।

त्यस्तै जनताको शान्ती शुरक्षामा अहोरात्र खटेर काम गर्दै आएका सशस्त्र प्रहरी बल अमवाका इन्चार्ज दिपेन्द्र पौडेल अहिले जनतामाझ इमान्दार र सक्रिय प्रहरी कर्मचारीको रुपमा परिचित हुँदै आएका छन।
२०६० सालबाट शिक्षण पेशा गर्दा गर्दै खुल्ला प्रतिस्पर्धा बाट सशस्त्र प्रहरी सहायक निरीक्षक पदमा नियुक्त भएका पौडेल गत वर्षको फागुनबाट सशस्त्र प्रहरी बल नेपाल सुुुरक्षा बेस क्याम्प पश्चिम अमवाका इन्चार्जको रुपमा काम गर्दै आएका छन।

४ महिनादेखि निरन्तर रुपमा सियारी र शुद्धोधन गाउँपालिकामा जनतामाझा शान्ती शुरक्षा प्रत्याभूत गराउन खटिरहेका छन।
रुपन्देहिको सियारी गाउँपालिका र शुद्दोधनमा हुने नदिजन्य अबैध उत्खनन रोक्न र हुन नदिन सक्रीय भएर लागेको जिल्ला समन्वय समिति,रुपन्देहीका प्रमुख एकराज विश्वकर्मा ले जानकारी दिनुभयो ।
यसै गरि जिल्ला समन्वय समिति सँग निरन्तर समन्वय गरि राजस्व संकलनमा समेत सशस्त्र प्रहरी बल नेपाल सुुुरक्षा बेस क्याम्प पश्चिम अमवाले महत्वपुर्ण भूमिका खेलेको समेत प्रमुखले बताउनुभयो ।
अर्को तर्फ यस क्षेत्रको शान्ति व्यवस्थापनमा समेत अत्यन्तै सक्रिय रुपमा निरन्तर लागि रहने कुरा सियारी गा.प. अध्यक्ष अयोध्या थारुले हामीलाई बताउनुभयो ।

इन्चार्ज पौडेलको नेतृत्वमा सियारी गाउँपालिकाका ४ क्वारेन्टिन र शुद्धोधन गाउँपालिकाका ५ वटा क्वारेन्टिनमा स्थलगत अवलोकन गरि त्यहा रहेकाहरुलाई अभिमुखिकरण र आत्मबल वृद्धिका तथा क्वारेन्टिनमा बस्दा शुरक्षित के कसरी बस्ने , समयलाइ कसरी सदुपयोग गर्ने भन्ने विषयमा विभिन्न सल्लाह सुझाव दिने गरेका छन ।