सियारी,असार ७
रुपन्देहीको सियारी गाउपालिका -७ का वडा अध्यक्ष सरोज अधिकारिले वडा अध्यक्षको हैसियतले आर्थिक वर्ष २०७६/०७७ मा आफुले पाएको सेवा सुविधा बापत प्राप्त रकम मध्यवाट नगद ३ लाख ११ हजार ८ सय पचास रुपैयाँ सियारी गाउपालिका -७ स्थित राम जानकी प्राविलाइ विद्यालयको उन्नतिका लागि प्रदान गर्नुभएको छ ।बाकी रकम सियारी विपद व्यवस्थापन कोषमा अधि नै जम्मा गर्नुभएको थियो ।।सियारी गाउपालिका वडा सदस्यहरु लक्ष्मी विक ,विनोद कुमार मल्लाह ,सितादेवी थारु ,वडा सचिव चिरञ्जीवी अधिकारीको उपस्थितिमा
राम जानकी प्राविका प्रधानाध्यापक चतुर्भुज पन्तलाइ ३ लाख ११ हजार ८ सय पचास रुपैयाको चेक हस्तान्तरण गर्नुभएको हो। वडा अध्यक्ष सरोज अधिकारिले अगिल्ला वर्षहरुमा पनि आफुले पाउने सम्पूर्ण सेवा सुविधा सामाजिक कार्यमा प्रयोग गर्दै आउनुभएको छ। आर्थिक बर्ष २०७५/०७६ मा आफुले पाउने कुल रकम सियारी -७ स्थित आकास रवि प्राविलाइ विद्यालयको उन्नति एव विकासको लागि प्रदान गर्नुभएको थियो । त्यसै गरि आर्थिक वर्ष २०७४/०७५ मा आफुले पाउने सेवा सुविधाको रकम मध्य स्थानीय एकल अपांग महिला सरस्वती महर्जनको बच्चाको पढाई खर्चको लागि बच्चाको नाममा गण्डकी विकास बैंकमा एक लाख रुपैया डिपोजिट गर्नुभएको थियो ।
५ वर्ष सम्म प्राप्त भएको व्याजले वच्चाको पढाइ खर्च गर्न सकिने र पाच वर्ष पछि निकालेर पिडित महिलाले आवश्यकता अनुसार खर्च गर्न मिल्ने गराइएको छ। आर्थिक वर्ष ०७४/०७५ को वाकी रकम सामाजिक सेवामा खर्च गरिएको वडा अध्यक्ष सरोज अधिकारिले बताउनु भयो।त्यसै गरि आर्थिक वर्ष २०७७/०७८ मा पनि वडा अध्यक्षको हैसियतले आफुले पाउने सम्पूर्ण सेवा सुविधा वापतको रकम सियारी -७ कनरी स्थित समयमाइ माविलाई प्रदान गर्ने घोषणा समेत गर्नु भयो।” जागीर खान जनप्रतिनिधि भएको होइन ,समाजसेवा गर्नको लागि भएको हु ” वडा अध्यक्ष अधिकारिले भन्नुभयो।
