१ असार, काठमाडौं । समाजवादी पार्टीले सांसद सरिता गिरीलाई पार्टी र सांसद दुबै पदबाट हटाउने भएको छ । नक्सासम्बन्धी संविधान संशोधन प्रस्तावको विरुद्धमा उभिएकी गिरीलाई पार्टीको ह्विप उल्लंघन गरेका कारण हटाउन लागिएको समाजवादी पार्टीका एक नेताले बताए ।
नेपाली स्वभिमानविरूद्ध उभिएकी गिरीले गलत अभिव्यक्ति दिएकी थिइन भने नेपाली भूमि भारतकै रहेको भन्दै सरकारले राष्ट्रिय एकताका साथ प्रस्तुत गरेको संशोधनका विरूद्धमा संशोधन प्रस्ताव ल्याएकी थिइन । लिम्पियाधुरा सहितको भूगोल समेटेर नेपालको नयाँ राजनीतिक तथा प्रशासनिक नक्सा जारी भएपछि गरिएको संविधान संशोधनमा गिरीले फरक मत राखेकी थिइन् ।
उनले पार्टीको निर्णय विपरीत संसदमा विधेयक प्रस्तुत गरेकी थिएन । । पार्टीले त्यो फिर्ता लिन र संविधानको अनुसूची संशोधनको पक्षमा मतदान गर्न ह्वीप जारी गरेको थियो,’ समाजवादी पार्टीका एक नेताले भने । ‘उहाँले पार्टीको ह्वीप मान्नुभएन, त्यसैले स्वतः कारवाहीमा पर्नुहुन्छ ।’हामीले उहाँलाई बोलाएर पार्टीको निर्णय मान्न सम्झायौं, स्रोतले भन्यो, ‘ तर, उहाँले पार्टीको निर्देशन मान्नुभएन ।’
समाजवादीका नेताहरू उपेन्द्र यादव र डा. बाबुराम भट्टराई काठमाडाैँ फर्के लगत्तै गिरी माथिको कारबाही अघि बढ्नेछ । यादव विराटनगर र भट्टराइ गोरखामा रहेका छन । गिरी खस आर्यको कोटाबाट समानुपातिक कोटामा सांसद बनेकी थिइन ।
