रुपन्देही जेठ २५
बुटवल उपमहानगरपालिका वडा न.६ का विगत तीन महिना देखि दुबै मृगौला फेल भइ आर्थिक अभावमा मृगौला प्रत्यारोपण गर्न नपाएका पीडित अनिश बस्नेतको परिवारलाई सहयोग रकम हस्तान्तरण गरिएको छ ।
स्वदेश बिदेशबाट विभिन्न माध्यमबाट सहयोग गर्नुभएको सहयोग ५६९४५( छपन्न हजार नौ समय पैंतालीस रुपैया ) सहयोग अभियान्ता अर्जुन रेग्मिले सो रकम हस्तान्तरण गर्नुभएको हो।
रकम ग्रहण गर्दै अनिशका बुवा पोमबहादुर बस्नेत र आमा बालिका बस्नेतले सहयोग गर्ने सबैलाइ धन्यवाद दिदै रकम अझै अभाव भएकाले सहयोगको अपेक्षा राखेको बताउनुभयो ।
यस्तै सहयोग हस्तान्तरण गर्दै अभियान्ता रेग्मिले अभियानलाई साथ दिने सबैलाई धन्यवाद ज्ञापन गर्नुभयो ।
विगत तीन महिना देखि दुबै मृगौला फेल भएका अनिशको हप्ताको दुई पटक डाइलासिस गरिदै आइएको छ भने मृगौला प्रत्यारोपण गर्न २५ लाख रकमको आवश्यकता रहेकोमा अहिलेसम्म ७ लाख मात्र सहयोग संकलन भएको परिवारले जनाएको छ ।
