मदाने गुल्मी,२० जेठ।
मदाने गाउँपालिकामा कोभिड विशेष कृषि कार्यक्रम संचालन गरिने भएको छ । कोरोना भाइरस कोभिड १९ नियन्त्रणका लागि भइरहेको लगडाउनका कारण मारमा परेका कृषकहरुलाई लक्षित गर्दै सो कार्यक्रम संचालन गरिने गाउँपालिकाले जनाएको छ ।
गाउँपालिकाका ७ वटै वडामाहरुमा संचालन गरिने कोभिड विषेश कृषि कार्यक्रमले कृषक, समूह, सहकारी, कृषि फर्महरु लाभान्वित हुने मदाने गाउँपालिका कृषि शाखा प्रमुख हुम बहादुर थापाले जानकारी दिनुभयो । यस कार्यक्रम अन्तर्गत तीन विशेष कार्यक्रम संचालन गर्नुपर्ने उहाँले बताउनुभयो। त्यसको लागि अधिकतम रु २०,०००/- वा विल रकमको ७५ प्रतिशत अनुदान दिइने बताइएको छ ।
कोभिड लक्षित व्यवसायिक तरकारी खेती प्रवद्दन कार्यक्रम, विदेशबाट फर्केका र व्यवसाय उन्मुख कृषकहरुलाई कृषि विकास प्रोत्साहन कार्यक्रम र वालीको उत्पादन र उत्पादकत्व वृद्धिकम लागि बीउ उत्पादक कृषक,समूह,सहकारीलाई प्रोत्साहन अनुदान गरि यो कार्यक्रममा तीन कार्यक्रम समेटिएको प्रमुख थापाले बताउनुभयो ।
गाउँपालिका सबै वडाहरुलाई समेट्दै २५० कृषक तथा समुहले यो कार्यक्रममा संलग्न हुने मदाने गाउँपालिका कृषक अध्यक्ष राजेन्द्र बिष्टले बताउनुभयो । तरकारी खेती कम्तिमा २ रोपनी,मौरीपालन कम्तीमा ३ घार,च्याउ खेतीका लागि कम्तीमा ५० गोला,कुखुरापालनमा ५० वटा चल्ला,बंगुरपालन र बाख्रापालनका लागि ५ वटा पाठापाठी गर्नुपर्ने कृषक अध्यक्ष बिष्टले बताउनुभयो ।
