मदाने गुल्मी, १९ जेठ।
मदाने गाउँपालिका वडा न १ मा भारतबाट आउनेको संख्या बढ्दै गएको छ । अग्लुङ्गमा अहिलेसम्म भारतबाट ७० जना भन्दा बढी भित्रिएको वडा कार्यालयले जनाएको छ ।
कोरोना भाइरस कोभिड १९ को उच्च जोखिममा न्युनिकरण गर्नका लागि भारतबाट आउनेलाई अग्लुङ्गका विद्यालयहरुमा क्वारेन्टिन बनाउने र राख्ने काममा वडा कार्यालय व्यस्त रहेको वडा अध्यक्ष प्रेम चन्द बोहराले बताउनुभयो । भारतबाट आएका ति अग्लुङ्ग कै ७० जना नागरिकलाई क्वारेन्टिनमा राखिएको हो।
ओख्लेदह प्रावि (टोल ९)को क्वारेन्टिनमा मा १७ जना, बालबिकास प्रावि (टोल ५)को क्वारेन्टिनमा ५ जना, अग्लुङ्ग मावि (टोल २) को क्वारेन्टिनमा ९ जना, घडेरी प्रावि (टोल ८) मा २१ जना र जनज्योति प्रावि(टोल १) को क्वारेन्टिनमा १६ जना राखिएको छ।
कोरना भाइरस कोभिड १९ को उच्च जोखिममा रहेकोले व्यवस्थित तरिकाले क्वारेन्टाइन निर्माण गरि राखिएको टोल ८ का कोरोना नियन्त्रण तथा क्वारेन्टिन संयोजक सुमन खत्रिले बताउनुभएको छ। क्वारेन्टाइनका सामान्य पुर्वाधार बनाउन आवश्यक छ, बेलाबेलामा स्वास्थ्य चेकजाँचमा तथा राष्ट्रिय नितिअनुसार वडा कार्यालयलाई गृह कार्य गरि आफु सर्तक रहन स्थानियहरुको माग रहेको छ ।
भारतबाट आएका ७० जना गरि अग्लुङ्गका नागरिक जो भारतमा कामको शिलशिलामा रहनुभएका ४०५ जना रहेको तथ्यांकले बताउछ । त्यो सबै व्यक्ति कोरोनाको प्रभावले आउन सक्ने संभावना भएकाले त्यहिअनुसार टोलटोलमा रहेका विद्यालयहरुमा व्यवस्थित क्वारेन्टिन निर्माण गरि राखिएको वडा अध्यक्ष चन्दले बताउनुभयो । क्वारेन्टिन व्यवस्थापन तथा सुरक्षाका लागि प्रति क्वारेन्टिनमा स्वास्थ्यकर्मी र २/२ जना सुरक्षाकर्मी खटाइएको उहाँले बताउनुभयो ।
