फर्साटिकर रुपन्देही
जेठ १५
रुपन्देहीको शुद्धोधन गाउँपालिका वडा न:४ को तिलोत्तमाचोकमा दीप प्रज्जवलन गरिएको छ ।
आज १३औँ गणतन्त्र दिबसको अवसरमा लिम्पियाधुरा समावेश गरिएको नेपालको नया नक्सा सार्वजनिक गर्दै दीप प्रज्जवलन गरिएको छ।
कार्यक्रममा वडा न .४ का वडाअध्यक्ष राजेन्द्र कंडेल, नेकपा शुद्धोधन अध्यक्ष नरबहादुर घर्ती, नेपाली कांग्रेस रुपन्देही क्षेत्र नं ३ ख का क्षेत्रिय सचिव केशव अधिकारी, जनता समाजवादी पाटीका नेता पदम विक र हाटबजार टोल विकास संस्थाका अध्यक्ष प्रेम रोकाले बोल्दै गणतन्त्र स्थापनाको १२ वर्ष पूरा गरि १३ वर्ष प्रवेश गरेकोमा शुभकामना ब्यक्त गर्दै गणतन्त्रलाई संस्थागत गर्नका लागि विभिन्न चुनौती देखीएतापनी गणतन्त्रको माध्यमबाट जनताको हक,अधिकार प्राप्ति भएको स्मरण गरेका थिए । कार्यक्रम संयोजक कपिल ज्ञवालीले गणतन्त्र दिवसको अवसरमा शुभकामना आदानप्रदान तथा सामाजिक एकता ,भातृत्वका लागि दीप प्रज्ज्वल गरिएको बताउनुभयो ।
कार्यक्रममा हाटबजार टोल विकास सस्था प्रेम रोकाको अध्यक्षता, शुद्धोधन गाउँपालिका वडा न ४ अध्यक्ष राजेन्द्र कंडेलको प्रमुख आतिथ्यता,नेकपा शुद्धोधन अध्यक्ष नरबहादुर घर्ती,नेपाली कांग्रेस रुपन्देही क्षेत्र नं ३ ख का क्षेत्रिय सचिव केशब अधिकारी र जनता समाजवादी पाटीका नेता पदम विकको विशिष्ट आतिथ्यता रहेको थियो । वडा न ४ सदस्य पुजा दमाइको स्वागत मन्तव्य रहेको कार्यक्रममा सञ्चालन दीपप्रज्वलन कार्यक्रमको नेतृत्व गर्नुभएका कपिल अर्यालले गर्नुभएको थियो।
