मदाने गुल्मी,१३ जेठ।
मदाने गाउँपालिका वडा न १ मा २२ जनालाई क्वारेन्टाइनमा राखिएको छ। भारतबाट आएका ति अग्लुङ्ग कै नागरिकलाई क्वारेन्टाइनमा राखिएको हो।
ओख्लेदह प्राविमा क्वारेन्टाइन निर्माण गरि १७ जनालाई राखिएको छ। कोरोना भाइरस कोभिड १९ को उच्च जोखिममा रहनुभएका भारतबाट आएका अग्लुङ्गका १७ जना व्यक्तिहरुलाई ओख्लेदह प्राविमा क्वारेन्टाइन निर्माण गरि राखिएको छ। उनिहरुलाई छिमेकी गौमखी गाउँपालिकाको पासबाट सिमाबाट उद्दार गरिएको हो। वडापालिकाबाट पुर्व जानकारी, सुचनाको अभाव हुदाहुदै पनि यहाको समितिले पुर्ण व्यवस्थापन गरिएको क्वारेन्टाइनका सामान्य पुर्वाधार देखि लिएर अन्य क्षेत्रमा पनि व्यवस्थित तरिकाले क्वारेन्टाइन निर्माण गरि राखिएको टोल ९ का कोरोना नियन्त्रण संयोजक महेन्द्र जिसिले बताउनुभएको छ । सम्बन्धित पक्षसँग माग राखि स्वास्थ्य चेकजाँच लगायतका क्षेत्रमा पनि बिशेष पहल गर्ने उहाले बताउनुभयो। क्वारेन्टाइनमा राख्ने बेला सबैको स्वास्थ चेकजाँच गरिएको र सबैको अवस्था सामान्य रहेको बताएको छ।
साथै बालविकास प्रा विको क्वारेन्टाइनमा पनि भारतबाट आएका ५ जनालाई राखिएको छ।
अग्लुङ्गका नागरिक जो भारतमा कामको शिलशिलामा रहनुभएका ४०५ जना रहेको तथ्यांकले बताउछ । त्यो सबै व्यक्ति कोरोनाको प्रभावले आउन सक्ने संभावना भएकाले त्यहिअनुसार टोलटोलमा रहेका विद्यालयहरुमा क्वारेन्टाइन निर्माण गरि राखिने वडा अध्यक्ष प्रेम चन्द बोहराले जानकारी दिनुभयो।
