अर्घाखाँची, ७ जेठ।
मालारानी गाउँपालिका वडा न. ३ मा कोरोना भाइरस कोभिड १९ नियन्त्रणका तथा लकडाउन कार्यान्वयनका लागि विशेष समिति बनाइएको छ । आज मालारानी गाउँपालिका वडा न. ३ खनदहमा बसेको बैठकले २७ सदस्यीय समिति बनाएको हो ।
मालारानी गाउँपालिका वडा न. ३ खनदहमा रहेको क्रियाशिल क्लब जनमुखी झरना युवा क्लबको नेतृत्व तथा वडा कार्यालयको समन्वयमा बसेको बैठकले यस्तो निर्णय गरेको हो। कोरोना भाइरसबाट बच्न यसबारे सुचना तथा निर्देशन र जनचेतना जगाउने उदेश्यका साथ यो समिती बनाईको
क्लबका अध्यक्ष लेखनाथ खनालले बताए। साथै यस जनमुखी झरना युवा क्लबले कोरोना भाइरस नियन्त्रण, रोकथाम तथा जनचेतना कार्यक्रम गर्दै आएको छ।
वडा कार्यालयको निर्देशन तथा स्वीकृतमा लकडाउन कार्यान्वयनका लागि यो समिति भोलीबाट नाकानाकामा तथा टोलटोलमा खटिने बताइएको छ। छिमेकी जिल्ला गुल्मी जिल्लाको मदाने गाउँपालिका ६ पुर्कोटदहमा ४१ बर्षिय व्यक्तिमा कोरोना पोजेटिभ देखिएसँगै थप संयमित,सर्तक रहन आवश्यक रहेकोले मालारानी गाउँपालिका पनि उच्च सतर्कता अपनाएको छ। गाउपालिकाको निर्णय तथा वडा पालिकाको निर्देशनमा स्थानिय जनमुखी झरना युवा क्लबले स्वमसेवक परिचालन गर्ने समितिका सदस्य गणेश पोखरेलले जानकारी दिएका छन।
