शुद्धोधन वडा न:३ र ४मा अत्यावश्यक पसल र वित्तीय संस्था हप्ताको तीन दिन खुल्ने

फर्साटिकर रुपन्देही -जेठ ५
बिश्वब्यापी महामारीको रुप लिएको कोरोना भाइरस कोभिड १९ रुपन्देहीका विभिन्न स्थानमा देखीएपछि त्यसको मध्यनजर गर्दै शुद्धोधन गाउँपालिका वडा न:३ र ४मा लकडाउनलाई प्रभावकारी बनाउन र कोरोनाको जोखिम न्यूनीकरणका लागि गर्नका लागि वडाभित्र रहेका रहेका दैनिक उपभोग्य तथा अत्यावश्यक वस्तुका पसल,बिउबिजन वितरण गर्ने एग्रोभेट तथा बित्तीय संस्थाहरु आइतबार,मंगलबार र बिहीबार बिहान १० बजेदेखि दिउँसो २ बजेसम्म सञ्चालन गर्ने निर्णय गरिएको छ।

। कोरोना भाइरस रोकथाम नियन्त्रण तथा समन्वय समिति शुद्धोधन ३,४ का संयोजक एंव वडा न .४ का वडाअध्यक्ष राजेन्द्र कंडेलको अध्यक्षतामा वडाकार्यालयमा बसेको बैठकले ६ गते मंगलबारबाट लागू हुने गरि निर्णय गरेको हो ।

समितिको बैठकले स्थानीय स्तरमा उत्पादित तरकारी र फलफुल मात्र तोकिएको समयमा बिक्री वितरण गर्ने र बाटोमा आवागमन अवरोध हुने गरि खाल्डो खन्ने,तारबार गर्ने,रुख मुढा तेस्याउने जस्ता कार्य नगर्न सम्पुर्ण वडाबासिलाइ अनुरोध गरेको छ।

जेठ १ गतेबाट ५ गतेसम्म समितिको बैठकले औषधी बाहेक अन्य पसल तथा वित्तीय संघसंस्था पुर्णरुपमा बन्द गर्ने निर्णय गरेको थियो । आज मितिसकिएपछी समितिको बैठकले केही खुकुलो बनाएको छ ।