विभिन्न मुद्दामा कतारको कारागारमा जिबन बिताइरहेका नेपली कैदीहरुको लागि कतार सरकारले यो वर्ष पनि आमामाफी दिएको छ ।
कतारले विभिन्न मुद्दा झेलेर बसेका नेपाली ८ जना कामदारलाई आममाफी दिएको छ ।
रमादानको अवसरमा दिइने आममाफीबाट यसपटक ८ जना नेपाली कैदीहरुले आममाफी पाएका हुन् ।
कतारस्थित कारागारमा विभिन्न सजायमा बन्दी जीवन बिताइरहेका नेपालीहरुलाई नियमानुसार आममाफी दिइएको नेपाली दूतावासले जानकारी गराएको छ ।
दुतावासका द्वितिय सचिव प्रविन भट्टराईले ८ नेपाली कैदीहरुले आममाफी पाएको पुष्टि गरे ।
तर आममाफी पाएका नेपाली कामदारको नाम र ठेगाना सार्वजनिक गरिएको छैन ।
यसअघि कोरोना भाइरसको महामारीको अवस्थामा १८ नेपालीले आममाफी पाएका थिए ।
