बाटोको निकासको बिषयमा झगडा हुदा एक को मृत्यु

कपिलवस्तु-जेठ १
कपिलवस्तुमा बाटोको निकासको बिषयमा दुई परिवारबीच छलफल गर्दा उक्त छलफलले उग्र रुप लिएको थियो ।पछि छलफल नभई विवादमा परिणत भयो ।

अन्तत : ठुलै झगडा मा पुग्यो २ घरको छलफल । शिवराज नगरपालिका-४ गुलरी गाउंमा बाटोको विषयमा दुई परिवारबीच झगडा भएको थियो। सो झगडामा पिटाफिट गर्दा घाइते भई उपचारका लागि बुटवल लगिएका स्थानीय २८ वर्षीय ओम प्रकाश यादवको मृत्यु भएको प्रहरीले जनाएको छ।

सो झगडामा घाइते भएका अन्य २ जनाको बुटवलमा उपचार भई रहेको छ। घटनामा संलग्न रहेका २ जनालाई नियन्त्रणमा लिई सोधपुछ तथा अनुसन्धानको काम शुरु गरिएको प्रहरी निरिक्षक दिपेश खरेलले बताए।