पाल्पा,जेष्ठ १ बिश्वब्यापी फैलिएको कोरोना भाइरस अर्थात कोभिड १९ को सम्भावित जोखिम न्यूनीकरणका लागि रिब्दीकाेट गाउपालिका वडा २ लघुवामा ८ बेडको क्वारेन्टाइन स्थापना गरिएको छ। कोरोना भाइरस दिनहुुँ बढ्दो क्रममा भेटिएकोले लघुवा टोल कम्युनिटीले गाउँपालिका वडा २ का अध्यक्ष रामचन्द्र नेपालको अध्यक्ष्ातामा क्वारेन्टाइनको स्थापना गरिएको हो।
लघुवामा संचालित आदर्श मा.बिधालयमा ८ बेडको क्वारेन्टाइन स्थापना गरिएको छ। आफ्नै गाउँको श्रोत साधन र रिब्दीकाेट गाउपालिकाको सहयोगमा निर्माण भएको क्वारेन्टाइनमा अहिलेसम्म क्वारेन्टाइनमा हाल्ने कुनै संख्या नभएको स्थानियले बताएका छन । कोरोनाको संभावित संक्रमित दिनदिनै बढीरहेकोले नियन्त्रणका लागि देशभर लकडाउनको समय लम्बिदै गर्दा यस गाउपालिकामा पनि कार्वान्वयन भएको वडा अध्यक्ष रामचन्द्र नेपाले बताउनुभयो। “हामिले संक्रमणको सुरुवात चरणमा यस वडा बाहिरबाट आउनेलाई होम क्वारेन्टाइनमा १४ दिन अनिवार्य बस्न,कसैसँग लसपस नगर्न आग्रह गरिएको थियो भने केही समय सम्म गाउँको नाका पूरारुपले बन्द गरिएको पनि थियो । त्यससँगै विभिन्न माध्यम स्थापना गरि यसबारे सचेत गराएको बताउनु भयो ।
रिब्दीकाेट गाउपालिकाले लघुवामा भएका दिनभर काम गरि जीवन निर्वाह गर्ने गरिब तथा विपन्न परिवारका लागि राहत वितरण गरिसकेको पनि उहाले जानकारी गराउनु भयो । साथै वडा अध्यक्षद्वारा गाउँ अनुगमन गरि गाउँमा भएका खाद्यान्न पसलमा समय तालिका बनाएर खोल्न र होटलहरु पुरारुपले बन्द गरि यो कठिन अवस्थामा साथ दिन आग्रह गर्नुभएको छ।
