आज कपिलवस्तु, रुपन्देही र बर्दियामा गरी थप १३ जनामा कोरोना भाईरस संक्रमण पुष्टि भएको छ ।
स्वास्थ्य मन्त्रालयका सहप्रवक्ता डा. समिरकुमार अधिकारीका अनुसार राष्ट्रिय जनस्वास्थ्य प्रयोगशाला काठमाडौंमा गरिएको परिक्षण अनुसार कपिलवस्तुमा यशोधरा-८ र बुद्धभूमी-७ का १५, १९, २३, ३९, ३२ र ३८ वर्षिय ६ जना पुरुषहरू, रुपन्देहीमा समरीमाई-७ र लुम्बिनी संस्कृत-६ का २४, २६, २७, ३०, ३२ र ४० वर्षिय ६ जना पुरूषहरू र बर्दियामा राजापुर-५ की ११ वर्षिया १ जना महिला गरी थप १३ जनामा कोरोना संक्रमण पुष्टि भएको हो।
यससँगै नेपालमा कोरोना संक्रमितको संख्या १३४ जना पुगेको र सबैको स्वास्थ्य अवस्था सामान्य रहेको छ भने ३३ जना उपचार पछि घर फर्किएका स्वास्थ्य मन्त्रालयले जानकारी दिएको छ।
