फर्साटिकर ,रुपन्देही
बैशाख १९
रुपन्देहीको शुद्धोधन गाउँपालिका ४ की २३ वर्षकी सिर्जना खनाल पाल्पा जिल्लाको तिनाउ गाउँपालिका ३ ड्यामसाईड स्थित तिनाउ खोलामा मृत अवस्थामा भेटिएकी छन। बिहीवार ४ बजेबाट घरबाट बेपत्ता भएकि खनालको आज १:३० मा शब फेला परेको हो। शुद्धोधन ४ फर्साटिकर हाटबजार टोलका टंक खनालकी छोरी उनी बिगत केही वर्षदेखि मानसिक बिरामी भइ औंषधि सेवन गरेको परिवार स्रोतको भनाइ उदृत गर्दै जिल्ला प्रहरी कार्यालय पाल्पाका प्रहरी निरीक्षक लक्षमण पचभैयाले जानकारी दिनुभयो ।
हिजो घरबाट साइकल लिएर हिडेकी सिर्जनाको परिवारका सदस्यहरुले खोजी गर्दा जादा तिनाउको उपल्लो ड्यामको नजिकै सडकमा साइकल देखेपछी प्रहरीलाई खबर गरेका थिए ।शवको लुम्बिनी प्रादेशिक अस्पतालमा पोस्टमार्टम भैरहेको छ।
