मदाने गुल्मी, १९ बैशाख।
मदाने गाउँपालिका वडा न.१ मा रहेको क्रियाशिल क्लब द सनराईज युवा क्लबको सक्रियतामा वडाले मदिरा सेवन गर्दै झगडा गर्ने र जुवातास खेल्नेलाई कारबाही गरेको छ । वडा कार्यालयले जारी गरेको सुचनाअनुसार कारबाही गरिएको वडा अध्यक्ष प्रेम चन्दले जानकारी दिए।
मदाने गाउपालिका वडा न १ का वडा अध्यक्ष प्रेम चन्द बोहराको उपस्थितमा मदिरा सेवन र बेचबिखन गर्ने ९ जनालाई कारबाही गरेको छ । वडा कार्यालयको सुचनाअनुसार मदिरा सेवन गर्ने र बेचविखन गर्नेलाई कारबाही स्वरुप ७ हजार रकम संकलन गरेको छ । साथमा जुवातास खेल्ने एक टोलीलाई पनि नियमअनुसार कारबाही गरिएको बताइएको छ।
विश्वव्यापी संकटमा रहेको कोरोना भाइरस नियन्त्रण तथा रोकथामका लागि फागुन २५ गते वडापालिकामा बसेको बैठक अनुसार बनाईएका नियमअनुुसार कारवाही गरिएको हो । साथै आफुहरुले कडा रुपमा अगाडि बढेकोले समाजमा हुने विकृति,विसङ्गति जस्ता कार्य गर्ने जो कोहीलाई नछोड्ने भन्दै वडा पालिका अगाडि बढेको वडा अध्यक्ष प्रेम चन्द बोहोराले बताए। साथै नियमलाई पालना गर्दै कारबाहीको भागिदार बनाउन सकेकोमा ओख्लेदहबाट चुनिएको टिम र सनराईज युवा क्लब प्रति प्रशंसा गर्नुका साथै यो विषम परिस्थितिमा सबैले आआफ्नो क्षेत्रबाट साथ सहयोग पुर्याउन अपिल गरेका छन ।
