आगलागीमा परेर छोराको ज्यान गुमेको ९ दिनमा बाबाको पनि मृत्यु

गुल्मी -गुल्मी जिल्लाको चन्द्रकोट गाउँपालिका वडा नं  ४ शान्तिपुर बजारमा रहेको एक पसलमा बैसाख ८ गते आगलागी भएको थियो ।आगलागीबाट सोहि पसलका साहु पूर्ण खनालका छोरा १६ बर्षीय समिर खनालको आगोले जलेर घटना स्थलमै ज्यान गएको थियो ।बाग्लुङ जिल्लाको बरेङ गाउँपालिका वडा नं ३ का वडा अध्यक्ष भएर जनतालाई सेवा गर्दै आएका पसल संचालक पूर्ण बहादुर खनाल्को व्यवसाय भने गुल्मी जिल्लाको शान्तिपुर आफ्नै घरमा थियो ।

आगलागीमा परेर घाइते भए पछी खनाल र उनकी श्रीमती रूपा खनाललाई उपचारको लागि काठमाडौंको कीर्तिपुरस्थित वर्न अस्पतालमा रिफर गरिएको थियो । उपचारकै क्रममा पूर्ण बहादुर खानालको निधन भएको पारिवारिक स्रोतले जानकारी दिएको छ भने उनकी श्रीमती रूपा खनालको उपचार भैरहेको छ ।

पेट्रोलबाट घरमा रहेको पसलमा आगो सल्किएर ३/४ वटा ग्यास सिलिन्डर पड्किएपछि आगो नियन्त्रणमा लिन गाह्रो भएको थियो ।आगलागीका कारण घरबाट बाहिर निस्कन नसकेपछि निसासिएर ज्यान गुमाएका थिय १६ वर्षिय समिर खनालले ।