काठमाण्डौ – कतार सरकारले नेपाललाई दिएको औषधी र उपकरण काठमाण्डौ आइपुगेका छन् ।कतार सरकारले नै चाटर्ड गरेर पठाएको कतार एअरवेजको जहाजले औषधी र उपकरण ल्याएको हो । कतार फन्ड फर डेभलपमेन्टले नेपाललाई चाहिने अत्यावश्य सामग्री सहयोगको रुपमा नेपाल पठाइएको जनाएको छ ।
फन्डका निर्देशक खालिफा विन जसिम अल कुवारीले कोरोनासँग जुधिरहेको नेपाललाई मित्रराष्ट्रका हैसियतले सामग्री पठाएको बताउनुभएको छ । १० टन मेडिकल सामग्री बोकेको कतार एयरवेजको जहाज त्रिभुवन विमानस्थलमा अवतरण भएको छ ।कतार फन्डले इरान, लेबनान, इटाली, ट्युनिसिया, रुवान्डा लगायतका देशमा पनि सहायता सामग्री पठाएको जनाएको छ ।
