बैशाख १४,
पाल्पामा कोरोना भाइरस रोकथामको लागि सरकारले गरेको लकडाउनको कारण समस्यामा परेका अति विपन्न वर्गको लागि तिनाउ गाउँ पालिकाले पहिलो र दोस्रो चरण गरी रु.२९ लाख ८३ हजार बराबरको राहत सामग्री वितरण गरेको छ ।
कुल २१४२ घरधुरीले राहत सामग्री प्राप्त गरेका छन । तिनाउ गाउँ पालिकाले १० लाख ५० हजार, विभिन्न चुनखानी उद्योगले १० लाख ६० हजार, सामुदायिक वन उपभोक्ता समितिहरुले ८ लाख २३ हजार, उद्यमी दिनेश रेग्मीले ५० हजार गरी कुल २९ लाख ८३ हजार रुपैयाँ बराबरको राहत सामग्री वितरण गरीएको गाउँ पालिका अध्यक्ष ओम बहादुर घर्ती मगरले बताउनु भयो । वडा नं. १ कचलमा ६४३ घर धुरीलाई ८ लाख ७३ हजार, वडा नं. २ दोभानमा ४११ घरधुरीलाई ६ लाख ५० हजार, वडा नं. ३ झुम्सामा ३३१ घरधुरीलाई ५लाख ७५ हजार, वडा नं. ४ सत्यवतीमा १९६ घरधुरीलाई १ लाख ७५ हजार, वडा नं. ५ कोलडाँडामा २७८ घरधुरीलाई ३ लाख ७५ हजार तथा वडा नं. ६ मस्याममा २८३ घरधुरीलाई ३ लाख ३५ हजार राहत सामग्री वितरण गरीएको प्रमुख प्रशासकीय अधिकृत दामोदर भण्डारीले बताउनु भयो ।
प्रदेशसभा सदस्य नारायण प्रसाड आचार्यले ३० हजार, बेस नेपाल संस्थाले रु १० हजार, पाल्पाली समाज पोखराले रु १० हजार र पाल्पा व्यापारसंघले रु १० हजार गरी जम्मा ६० हजार रुपैयाँ तिनाउ गाउँ पालिकाको कोरोना भाइरस संक्रमण रोकथाम तथा उपचार कोष खाता नं. ०८१०३०००० लक्ष्मी बैंकमा जम्मा गरीएकोमा उक्त रकमबाट स्वास्थ्य सामग्री खरीद गरीएको स्वास्थ्य शाखा ईन्चार्ज कृष्ण कार्कीले बताउनुभयो । हाल तिनाउ गाउँ पालिकामा ४ जना व्यक्तीहरु गाउँ पालिकाले स्थापना गरेको क्वारेन्टाईनमा रहेको र गाउँ पालिका स्वास्थ्य शाखाको सहयोगमा दोभान चौकीमा स्वास्थ्य परिक्षण हेल्पडेस्क संचालन गरीएको छ ।
