तिनाउ ५ कोलडाँडामा दोस्रो चरणको राहत वितरण

बैशाख १२ ,
पाल्पाको तिनाउ गाउँ पालिका वडा नं. ५ कोेलडाँडाले कोरोना भाईरस संक्रमण रोकथामको लागि गरीएको लकडाउनको कारण समस्यामा परेका अति विपन्न वर्गको लागि दोस्रो चरणको राहत वितरण कार्य सम्पन्न गरेको छ । गाउँ पालिका अध्यक्ष ओम बहादुर घर्ती मगरको उपस्थितिमा २०० जना विपन्न परिवारलाई २० किलो चामल प्रति परिवार वितरण गरेको हो ।

फेसबुकमा पछ्याउनुहोस्

तिनाउ गाउँ पालिकाको रु. १ लाख तथा सत्यवती चुनखानी उत्खनन् प्रा.लि. को रु.१ लाख गरी जम्मा २ लाख बराबरको राहत सामग्री वितरण गरीएको वडा नं. ५ को वडा अध्यक्ष दल बहादुर दर्लामीले बताउनु भयो । राहत सामग्री वडा नं. ५ को कोलडाँडा, विस्कुनडाँडा, मरामकोट, चरचरे, चौविस माईल तथा वडा नं.४ को बौरीडाँडा र जाल्मा घाटको विपन्न परिवारलाई वितरण गरिएको हो ।

गाउँ पालिका अध्यक्ष ओम बहादुर घर्ती मगर र सत्यवती चुनढुंगा खानी प्रा.लि का व्यवस्थापक रुक बहादुर थापाबाट राहत सामग्री वडा लाई हस्तान्तरण गरी वडा समिति, वडा पार्टी प्रतिनिधी, टोल विकास संस्थाका संयोजकहरु सहितको बैठकले विपन्न परिवार छनोट गरी राहत वितरण गरिएको युवा समन्वय समिति तिनाउको संयोजक प्रेम श्रेष्ठले जानकारी गराउनु भयो ।