नेपाल निर्माण तथा सम्बद्ध श्रमिक संघ फर्साटिकरद्वारा राहत हस्तान्तरण

फर्साटिकर रुपन्देही

बैशाख   १२

  नेपाल निर्माण तथा सम्बद्ध श्रमिक संघ फर्साटिकरले कोरोना महामारीको कारणले लकडाउन हुँदा प्रभावित भएका अतिबिपन्न,मजदुरी गर्ने  परिवारलाई राहत  वितरण गर्नका लागि नगद शुद्धोधन  गाउँपालिकालाई हस्तान्तरण गरेको छ।

बिश्वब्यापी महामारीको रुपमा फैलिएको कोरोना भाइरसको सम्भावित जोखिम न्यूनीकरणका लागि नेपाल सरकारले गरेको लकडाउनको कारणले रोजगारी गुमेका,दैनिक ज्यालादारी गरी जीवननिर्वाह गर्ने बिपन्न परिवारलाई राहत बितरण गर्ने गाउँपालिकाको कार्यक्रमलाई नेपाल निर्माण तथा सम्बद्ध श्रमिक संघ फर्साटिकरको   तर्फबाट सहकार्य गर्दै  २० हजार नगद हस्तान्तरण गरेको हो।

  हस्तान्तरण कार्यक्रममा बोल्दै नेपाल निर्माण तथा सम्बद्ध श्रमिक संघ फर्साटिरका अध्यक्ष रमेश मुराउले लकडाउनको बेला दैनिक ज्यालादारी गरेर खाने मजदुरहरुलाइ गाउँपालिका मार्फत सहयोग गर्न पाउँदा खुशी लागेको बताउनुभयो। गाउँपालिका अध्यक्ष किसुनचन्द चौधरीले नगद सहयोग गरेकोमा संघलाई धन्यवाद व्यक्त गर्नुभयो ।

   कार्यक्रममा नेपाल निर्माण तथा सम्बद्ध श्रमिक संघ फर्साटिकरका अध्यक्ष रमेश मुराउ र संघका  पदाधिकारी,गाउँपालिकाको तर्फबाट अध्यक्ष किशुनचन्द चौधरी, वडा न:२ का अध्यक्ष  विष्णु बस्याल,वडा न:४ का अध्यक्ष राजेन्द्र कंडेल, वडा न: ६का  अध्यक्ष  जयशंकर पाठकको उपस्थिति रहेको थियो भने कार्यक्रमको संचालन हुमबहादुर केसिले गर्नुभएको थियो।