कोरोना महामारी द्वारा सिर्जित लकडाउनको कारण मजदुरहरुलाई दैनिक गुजारा गर्न समस्या भइरहेको छ । यहि बेला धेरै फिल्मकर्मीहरुले राहत वितरणमा सक्रियता देखाईरहेका छन् । अभिनेत्री आँचल शर्माले पनि यतिबेला राहत वितरण गरेकी छिन् ।
उनले श्रीमान उदिप श्रेष्ठको साथमा क्षेत्रपाटीमा रहेका एक सय घरलाई राहत स्वरुप खाद्यान्न वितरण गरेकी हुन् । लकडाउनका कारण आफ्नो ब्यबसाय गर्न नसकेकाहरुलाई उक्त राहत वितरण गरिएको हो । आँचलले केहि समय अघि डक्टर एवं ब्यबसायी उदिप श्रेष्ठसंग विवाह गरेकी थिईन् ।
यसअघि करिश्मा मानन्धर, किरण केसी, पल शाह, पूजा शर्मा, किरण केसी लगायतका थुप्रै फिल्मकर्मीहरुले पनि जीविकोपार्जन गर्न कठिन भएकाहरुलाई सहयोग गरिसकेका छन् ।
