बिद्धुतमा निर्माणमा लापरबाही, जनता जोखिममा [ फोटो फिचर सहित ]

मदाने गुल्मी, ८ बैशाख।
गुल्मी जिल्लाकै पश्चिम भेगमा पर्ने अग्लुङ्ग गाउँ तुलनात्मक रुपमा अन्य ठाउँ भन्दा विकट नै मानिन्छ । जहाँ केन्द्रीय विधुत प्रसारित भएको धेरै भएको छैन। जनताले विधुतको सेवा सुविधा पनि उपभोग गरिरहेका छन अनि गर्ने क्रम जारी छ ।

ग्रामिण यस ठाउँमा विधुत पुगिरहदा सम्बन्धित निकायले चाल्नुपर्ने कदम त्यति प्रभावकारी बन्न सकिरहेको छैन । स्थानियहरुले विधुत जोड्ने क्रम जारी छ । गाउका करिब ७०% जनताले बिधुतको उपभोग गरेता पनि ३०% जनता अझै वञ्चित नै छन।

विधुतको सेवा सुविधा उपभोग गरिरहेका जनताहरु धेरै खुसि छन यद्यपि केही कारणहरुले भने जनता त्यति प्रभावकारी हुन नसकेको बताउछन् । छिनछिनमा लाइन गइरहने समस्याले जनता आजित छन । निर्माणाधीन विधुत योजना लगभग सम्पन्न भएता पनि सबैको घरघरमा पुग्न नसक्दा सम्बन्धित व्यक्तिहरुले लाइन काटिरहने समस्याबाट पनि आजित छन । यति मात्र नभई सबैभन्दा बढी त बिधुतले गाउँमा जोखिम बढेको भन्दै नियन्त्रणका लागि स्थानियहरुले माग राख्दै आएका छन ।

बिधुत निर्माणका लागि ठेगेदार तथा कर्मचारीहरुको लापरबाही अत्यधिक छ । व्यवस्थित तरिकाले काम नगर्दा यस्तो अवस्था सिर्जना भएको हो । तानिएका तार खुकुला हुनु, गाडिएका पोलहरुलाई व्यवस्थित गर्न नसक्दा बाङ्गा हुनु, ट्रान्सर्फमर नै बाङ्गा तथा व्यवस्थित गर्न नसक्दा स्थानियमा जोखिम अत्यधिक बढेको स्थानिय महेन्द्र जिसिले बताउँछन् । उनी भन्छन, ” बिधुतको काम राम्रोसँग गरिएको छैन, झाडा तिरेको भन्दा कम छैन, तारहरु खुकुला हुदा पोलमा तार सर्ट भएकाले करेन्ट लाग्ने सम्भावना देखिन्छ, जसले गर्दा जनताको ज्यान जोखिममा छ।

यसलाई व्यवस्थित गर्न अत्यावश्यक रहेको छ।” अग्लुङ्गको घडेरी, ओख्लेदहमा जोखिमको अवस्था रहेको उनले बताए। सोइरेबाट ओख्लेदह आउदै गरेको तार झुन्डिएर मानिसले छुने अवस्थामा आएको छ। साथै निपाने, घडेरी लगायतका ठाउँमा निर्माण कार्य जारी भएता पनि लकडाउनले प्रभावित पारेको छ।

यस्तो अवस्था नआअोस् भनेर निर्माणकार्यको सुरुवातमा सम्बन्धित उपभोक्ताहरुको समुहले नै कर्मचारी तथा कामदारसँग व्यवस्थित गर्न आग्रह गरेको मदाने गाउँपालिका वडा न.१ का वडा अध्यक्ष प्रेम चन्द बोहराले बताएका छन। सम्बन्धित व्यक्ति सँग छलफल गरि गाउँपालिकामा कुरा राखेर यस्ता समस्यालाई नियन्त्रणको लागि आफू सक्दो पहल गर्ने बताए।

ग्राहकहरुलाई सन्तुष्ट हुने गरि काम गरिने नेपाल विधुत प्राधिकरण गुल्मी शाखाका प्रमुख नारायण अर्याल बताउँछन् । उनकाअनुसार मदाने गाउपालिकाको हकमा कुरा गरिरहदा विधुत निर्माण कार्य जारि रहेकोले यस्तो अवस्था सिर्जना भएको हुन सक्छ यद्यपि अहिलेको लकडाउन सकिएसँगै अग्लुङ्गको काम सम्पन्न गरि फाइनल गरेपछि यस्तो अवस्था सिर्जना नहुने उनले बताए। अति जोखिममा रहेको अवस्थामा तत्काल काम गरिने उनले बताएका छन। सोइरेबाट अग्लुङ्ग जाँदै गरेको झुन्डिएको तार तत्काल तन्काउने व्यवस्था गरिने बताए।