बैशाख ६,
पाल्पाको तिनाउ गाउँ पालिकामा कोरोना भाईरस संक्रमण रोकथामको लागि सरकारले गरेको लकडाउनको कारण हातमुख जोड्न समस्या परेका अति विपन्न परिवारको लागि गाउँ पालिकाले दोस्रो चरण्को राहत वितरण तयारी गरेको छ । यस अगाडी ४ लाख ५० हजार बराबरको राहत वितरण गरीएकोमा दोस्रो चरणमा ६ लाख रुपैया राहत कोषमा गाउँ पालिकाबाट रकम जम्मा गरी खाद्यान्न खरीद गरीएको छ । यस बाहेक तिनाउ गाउँ पालिकाले विभिन्न संघ संस्था, उद्योगी व्यावसायीहरु संग सहयोग मागको अपिल गरेको मा केही सहयोग प्राप्त भएको र केहीले सहयोग गर्ने प्रतिबद्धता जनाएका छन ।
अर्गखाँची सिमेन्ट प्रा.लि.ले २ लाख ५० हजार बराबरको सामाग्री सहयोग गरेको छ । वडा नं. ३, श्री डाँडाको जनतालाई अर्गखाँची सिमेन्टले सहयोग गरेको हो । वडा नं. ६ मस्याममा ५ क्वीन्टल चामल र अन्य सामग्री उद्यमी व्यावसायी दिनेश रेग्मीले सहयोग गर्नु भएको छ । वडा नं. १ को कचलमा काम्ले टटरी सामुदायिक वन उपभोक्ता समूहले ७० हजार बराबरको, सिद्ध चुहार सा.व.उ.स ले ९४ हजार बराबरको, मसिना सा.व.उ.स ले १ लाख ८४ हजार बराबरको, वडा नं. २ दोभानमा ढापखोला सा.व.उ.स ले ८५ हजार, श्रीजनशील सा.व.उ.स ले ८५ हजार, बराबरको, वडा नं. ३ झुम्सामा खुल्खुले सामुदायिक वनले ५४ हजार बराबरको खाद्यन्न सामग्री वितरण गरेको हो ।
सर्वोत्तम सिमेन्ट प्रा.लि. ले कचल क्षेत्र, कन्चन कोएरिज चुनखानीले झुम्सा मरेक र अर्खले क्षेत्र तथा अन्य केही सामुदायिक वन उपभोक्ता समितिले आफ्नो उपभोक्ता भित्र तथा केही चुनखानी उद्योगले आफ्नो प्रभावित क्षेत्रका विपन्न परिवारलाई सहयोग गर्ने प्रतिबद्धता जनाएका छन । गाउँ पालिकाले जजस्ले सहयोग गरेपनि डुप्लीकेसन नहुने गरी न्याय संगत रुपमा विपन्न परिवारलाई राहत वितरण गरी वडा समितिलाई निर्देशन गरेको गाउँ पालिका अध्यक्ष ओम बहादुर घर्ती मगरले बताउनु भयो ।