मदाने,गुल्मी २८ चैत ।
मदाने गाउँपालिका वडा न.१ मा राहत वितरण गरिएको छ । राहातमा नाममा भेदभाव तथा विभेद भएको भन्दै स्थानियबासिहरु आक्रोशित भएका छन ।
मदाने गाउँपालिका वडा न. १ अग्लुङ्गमा १०४ अतिविपन्न घरपरिवारलाई राहत स्वरुप ३० केजि चामल, ३ केजि दाल, २ पोका नुन,२ केजि चिनि, २ पोका तेल, ४ वटा साबुन लगायतका राहत सामाग्री वितरण गरिएको वडा अध्यक्ष प्रेम चन्द बोहराले जानकारी दिनुभयो । अतिविपन्न परिवारको पक्षबाट विवाद आएपछि आक्रोशित भएका परिवारलाई पनि सम्बोधन गरिदै १२१ घरपरिवारलाई वितरण गरिने उहाँले जनाउनुभयो । राहत वितरणमा भेदभाव भएको भन्दै स्थानीयबासीहरुले आरोप लगाएका छन। साथै यसरी भेदभावपूर्ण र कम राहात वितरण नगर्न स्थानियले आग्रह गरेका छन।
अग्लुङ्गको ओख्लेदहमा अतिविपन्न परिवारले राहात नपाएको र अतिविपन्न परिवार भन्दा माथिल्लो बर्गकालाई राहात वितरण गरिएको भन्दै स्थानीय सरकारप्रति आरोप लगाएका छन । स्थानिय चमेला बि.क ले आफुले राहात नपाएको भन्दै आक्रोश पोखेकी छिन। राहातका लागि नाम छनोट गर्दा स्थानिय गाउँसँग समन्वय गरिएको तर सर्वदलिय बैठक मात्र बसि नाम छनोट गरिदा अतिविपन्नले राहात नपाएको स्थानिय राजेन्द्र बिष्टले बताउनुभयो।
राहत सामाग्री वितरण गरिरहदा अतिविपन्न र गरिबलाई मात्र राहात वितरण गर्नुपर्नेमा नेकपा जिल्ला सदस्य केशब चन्द बोहराले जोड दिनुभएको छ तर यहाँ नाम छनोट गर्दा वडापालिका तथा सर्वदलीय बैठक नै खुकुलो भएकाले यसमा व्यवस्थापन नभएको कुरा उहाँले बताउनुभयो । विश्वव्यापी संकटमा रहेको नोबेल कोरोना भाइरसको नियन्त्रणको लागि गाउँपालिकाले नै उल्लेखनीय काम गरिरहेको अवस्थामा यहाँ केही त्रुटि भएको बताउनुभयो।
राहात वितरणका लागि प्रत्येक गाउँगाउँमा स्थानिय जनप्रतिनिधिहरुलाई खटाइएको थियो तर जनप्रतिनिधि सदस्यहरुले राम्रोसँग काम नगर्दा अथवा व्यवस्थापन गर्न यस्तो अवस्था आएको र असली पिडितले राहात नपाएको वडा अध्यक्ष प्रेम चन्द बोहराले स्विकार्नुभएको छ। उहाँले त्यस्ता व्यक्तिहरुलाई तत्काल नै राहत वितरण गरिने प्रतिबद्धता व्यक्त गर्नुभएको छ।
