मदाने,गुल्मी २६ चैत।
द सनराईज युबा क्लबले कोरोना भाइरस कोभिड १९ को नियन्त्रण तथा सुरक्षाको लागि समिति बनाएको छ। मंगलबार क्लबका अध्यक्ष महेन्द्र जि सिको संयोजकत्वमा २१ सदस्यीय समिति बनाएको हो ।
समितिले मदाने गाउँपालिकाको वडा न. १ को मुख्य नाका सोइरेमा बाटो ठप्प पारेको छ । यसका साथै अन्य तीन ठाउँमा पनि गाउँ प्रवेश निषेध व्यानरसहित नाका ठप्प पारेको छ। सङग्रेङ खोला झोलुङ्गे पुल, पैयापाटा जोड्ने मोटरबाटो र वनतिर जाने मुल बाटोमा पनि बाटो बन्द गरेको क्लबका अध्यक्ष तथा यस समिति संयोजक महेन्द्र जिसिले बताए । यसका साथै मदाने गाउँपालिका वडा न.१ को निर्देशनतथा सुचना अनुसार गाउँ ठप्प पारिएको हो । कोरोना भाइरसको उच्च सतर्कता अपनाउदै अब गाउँमा आवजजावत र गाडी संचालनमा कडाई गर्दै तथा हिडडुल गर्न नदिइने उनले बताए ।
विश्वव्यापी संकटमा रहेको कोरोना भाइरसलाई नियन्त्रण गर्न देशले लगडाउन घोषणा गरिरहको अवस्थामा यस क्षेत्रमा लकडाउनलाई उलङ्घन गरिरहेकाले गाउँमा थप नियन्त्रण, सुरक्षा तथा लकडाउनमा थप कडाइ गर्न आवश्यक रहेकोले अग्लुङ्ग आउने मुख्य नाका बन्द गरिएको क्लबका सचिव विवश विष्टले जानकारी दिए ।
