मिलन तरामु
पाल्पा जिल्लाको तिनाउ गाउँ पालिका वडा नं. १ झिँगामारामा काम्ले टटरी सामुदायिक वन उपभोक्ता समुहले खाद्यसामाग्री राहत वितरण गरेको हो ।
विश्वभरी तिव्ररुपले फैलिइरहेको कोरोनाको कारणले धेरै देशहरुमा लक् डाउन भएको अवश्थामा नेपालको धरै क्षेत्रमा देश बासीहरुलाई खाद्यन्नको समस्या हुदै गर्दा तिनाउको राम्पाटामा खाद्यन्न वितरण गरिएको अध्यक्ष लिल बहादुर सारुले जानकारी गराए ।
तिनाउ गाउँ पालिका साविकको वडा नं. ७, ८ र ९ मा रहेका ११४ घर धुरीका उपभोक्तालाई एक घर धुरी बराबर २० के.जी. चामल, १ लिटर तेल, १ के.जी. नुन र चिनी चियापत्ती वितरण गरेको काम्ले टटरी वन का सचिव तेज कुमारी तरामुले जानकारी गराइन । यस महामारीमा आफुलाई र आफ्नो देशलाई बचाउनको लागि लक डाउनको पालना गर्ने र विभिन्न स्वास्थ्य सुरक्षा अपनाउन गाउँ पालिका वडा सदस्य अम्मर तरामुले आह्वान गर्नुभयो। वितरण कार्यक्रममा बौद्ध विकास टोल समितिका संयोजक सुरेस गलामी र काम्ले टटरी सा.व.उ.स का सम्पूर्ण कार्य समितिहरुको सहयोगमा एक अनौपचारीक कार्यक्रमका बिच राहत वितरण गरेको हो ।
