विवश विष्ट
मदाने,गुल्मी २५ चैत।
मदाने गाउँपालिका वडा न. १ ले कोरोना भाइरस कोभिड १९ नियन्त्रणका लागि विशेष समिति बनाइएको छ । आज मदाने गाउँपालिका वडा न. १ को कार्यालयमा बसेको बैठकले वडाअध्यक्ष प्रेम चन्द बोहराको संयोजकत्वमा २९ सदस्यीय समिति बनाएको हो ।
कोरोना भाइरसबाट बच्न यसबारे सुचना तथा निर्देशन र जनचेतना जगाउने उदेश्यका साथ यो समिती बनाईको वडा अध्यक्ष प्रेम चन्द बोहोराले जानकारी दिए । अब लकडाउनलाई थप कडाई गर्दै आवजजावत तथा गाडि संचालनमा रोक लगाई एक टोलबाट अर्को टोल जान नपाउने निर्णय गरेको उनले बताए। गाउँमा कोरोना भाइरसबारे जनचेतना कम भएको तथा जनचेतना गर्नुमा ढिलो भएको कुरालाई स्विकार्दै अब शसक्त तरिकाले अग्लुङ्गमा यसबारे जनचेतना जगाएर लगडाउन पुर्ण रुपमा कार्यान्वयन गरी अग्लुङ्ग सुरक्षित बनाइने उनले बताए । अग्लुङ्गमा स्वास्थ्यकर्मीको सुरक्षाको लागि केही थान पिपिई ल्याइएको बताए । यसबाहेक अग्लुङ्गमा कोरोना बिरुद्ध त्यति प्रभावकारी काम भएको छैन यद्यपि निर्माण गरिएको क्वारेन्टाइन बनाइएको छ तर कसैलाई राखिएको छैन,खाली छन ।
सिङ्गो गाउँपालिका तथा वडा न. १ कार्यालयबाट कोरोना नियन्त्रणका लागि प्रभावकारी कार्य गर्न नसकेको स्थानीय प्रतिपक्षी नेता राजेन्द्र बिष्टले बताएका छन । सबैभन्दा पहिले जनताको जीवन रक्षा तथा सुरक्षाका लागि ठोस कदम चलाउनु पर्नेमा जोड दिएका छन । विश्वब्यापि संकटमा रहेको कोरोना भाइरसका कारण भैरहेको लकडाउनले स्थानिय गरिब तथा विपन्न परिबार खानै नपाएर संकटमा पर्ने अवस्था नरहेकोले राहात वितरण तत्काल नगर्ने, यसपछि आउने संकट तथा भयावह स्थितिमा वितरण गर्न सुझाव दिएका छन ।
अग्लुङ्गका सन्दर्भमा तत्काललाई अनिवार्य कोरोना भाइरसबारे गाउगाउ, टोलटोलमा सम्बन्धित व्यक्तिद्वारा जनचेतना जगाउन आवश्यक देखिन्छ । प्रत्येक टोलबाट व्यक्तिहरु छानि सुचना तथा जनचेतनाका लागि वडाअध्यक्ष,प्रतिनिधिहरुलगायतलाई समेटि २९ सदस्यीय टोली बनाएको छ। यसैअनुसार प्रत्येक टोलबाट सम्बन्धित व्यक्तिहरु, स्वास्थ्य संमसेविका तथा विद्यालयका प्र.अ,शिक्षकहरु लगायत बुद्धिजीवी व्यक्तिहरु यसमा खटिन वडापालिकाले आग्रह गरेको छ ।
