अर्जुन खत्री
फर्सा्टिकर रुपन्देही
चैत्र २१,रुपन्देहीको शुद्धोधन गाउँपालिका वडा न.१ बेलवामा रहेको शर्मिला इन्टिग्रेटेड एग्रीकल्चर फर्म प्रालिले दैनिक ज्याला मजदुरी गर्ने बिपन्न परिवारका लागि १० क्विन्टल चामल सहयोग गर्ने घोषणा गरेको छ।
बिश्वब्यापी महामारीको रुपमा फैलिएको कोभिड १९ कोरोना भाइरसको महामारीबाट बच्नका लागि नेपाल सरकारले गरेको लकडाउनको कारणले रोजगारी गुमेका, दैनिक ज्यालादारी गरी जीवननिर्वाह गर्ने बिपन्न परिवारलाई राहत स्वरुप शुद्धोधन गाउँपालिकाको एकद्वार प्रणालीलाई मध्यनजर गर्दै पालिकासङ्ग समन्वय गरी चामल सहयोग गर्ने भएको हो ।
महामारीको यो अवस्थामा फर्मबाट सामाजिक उत्तरदायित्व बहन गर्दै १० क्विन्टल चामल हस्तान्तरण गर्ने निर्णय गरिएको र आगामी दिनमा पनि ब्यापार ब्यवसाय सँगै सामाजिक कार्यमा पनि निरन्तर लाग्ने शर्मिला इन्टिग्रेटेड एग्रीकल्चर फर्म प्रालिका सञ्चालक महेन्द्र गौतमले बताउनुभयो।
