काठमाडौं, असार १२ – राष्ट्रिय स्वतन्त्र पार्टी (रास्वपा) को पदाधिकारी चयनका लागि भएको मतदान निर्धारित समयमै सम्पन्न भएको छ।
मतदान समय समाप्त हुँदासम्म लाइनमा रहेका प्रतिनिधिहरूले भने मतदान जारी राखेका छन्। सबै प्रतिनिधिले मतदान गरिसकेपछि मतपेटिका सिल गरी मतगणना सुरु गरिने जनाइएको छ।
निर्वाचन समितिका अनुसार पदाधिकारी निर्वाचनको अन्तिम परिणाम आजै सार्वजनिक गर्ने तयारी छ। महाधिवेशनको समापन कार्यक्रम पनि आजै तय गरिएको छ।
रास्वपाले पाँच पदाधिकारी चयनका लागि निर्वाचन गरेको हो। असार ७ गतेदेखि सुरु भएको महाधिवेशन आज औपचारिक रूपमा सम्पन्न हुने कार्यक्रम छ।
