गुल्मी रुपन्देही सम्पर्क समन्वय समिति (नेकपा माओवादी केन्द्रले) तिज मिलन तथा दरखाने कार्यक्रम सम्पन्न गरेकाे छ । हिन्दु महिलाहरुकाे ऐतिहासिक तथा सांस्कृतिक पर्व हरितालिका तिजको अवसर पारेर गुल्मीबाट रुपन्देहीमा बसोबास गर्ने सबैले एकआपसमा माया र सद्भाव साटासाट सगैँ शुभकामना आदानप्रदान गरी तीज मिलन कार्यक्रम गरेकाे हाे ।
आपसी भाईचारा सहयाेग र सद्भाव अभिबृद्धि गर्ने उद्देश्यले गठित गुल्मी रुपन्देही सम्पर्क समन्वय समिति बिगतका दिनहरुमा पनि रुपन्देहीका रहेर बिभिन्न सामाजिक कार्यहरुमा अग्रसर रहदै आएको संस्थाका अध्यक्ष माधव भण्डारीले बताए । यस समितिले गुल्मीकाे कला संस्कृतिको संरक्षण, सम्बर्द्धन र आपसी सद्भावलाई रुपन्देही र गुल्मी बिच जोड्ने पुलको काम गर्दै आएको उनले बताए ।
कार्यक्रमलाई संबाेधन गर्दै साेहि कार्यक्रमका प्रमुख अतिथि तथा माओवादी केन्द्रका लुम्बिनी प्रदेश अध्यक्ष सुदर्शन बरालले बसाईसराईसंग आत्मियता घट्दा चिनजान हराउने शहरी जिवनलाई नया ढंगबाट समाज जोड्न सफल भएको बताए । तिज संस्कृतिकाे संरक्षणसंगै भेटघाट तथा सद्भाव अभिबृद्धिका लागि पनि बेलाबेलामा यस्ता कार्यक्रमहरु राख्नु पर्ने बताए।
कार्यक्रममा साेहि समितिका उपाध्यक्ष रिया बस्नेतले तिज पर्वकाे आफ्नै सामाजिक संस्कृतिक र परम्पारिक महत्व रहेकाे कारण तिजलाई संरक्षण र सम्बर्द्धन गर्नु पर्ने बताउँदै शुभकामना मन्तव्य दिएकी थिईन भने कार्यक्रम संचालन सचिव फटिक तरामुले गरेका थिए भने कार्यक्रममा रुपन्देहीमा रहेका बिभिन्न पेशा , व्यवसाय र बिध्यार्थी लगायत संघसंगठनमा संलग्न रहेका व्यक्तिहरुकाे उपस्थित रहेकाे थियाे।
