गुल्मीको मदाने गाउँपालिका वडा न १ मा अवस्थित द सनराईज युथ क्लबको दोस्रो साधारण सभा सम्पन्न भएको छ।
क्लबका अध्यक्ष विवश विष्टको सभाध्यक्षमा संचालन भएको दोस्रो बार्षिक साधारणसभाको प्रमुख आतिथ्य क्लबका संरक्षक संयोजक लाल बहादुर विष्ट, विशिष्ट आतिथ्यमा क्लबका सल्लाहकार संयोजक राजेन्द्र विष्टको उपस्थित रहेको थियो । यस्तै क्लबका संस्थापक अध्यक्ष भिम बहादुर घर्ती क्षेत्री, क्लबका सल्लाहकार बालकृष्ण चन्द, कमला बस्नेत चन्द, सावित्रा चन्द तथा पूर्व सल्लाहकार कमला चन्दको उपस्थित रहेको थियो ।
सभामा उपस्थित अतिथिहरुले मन्तव्य राख्दै क्लबप्रतिको कार्यक्रमहरु सराहनिय भएको बताउदै विभिन्न रचनात्मक कार्य गर्दै आएको र अझ गर्न सुझाव दिनुभएको छ । उहाँहरुले आआफ्नो छुट्टाछुट्टै मन्तव्य राख्नुभएको थियो । शनिबार बिहान ८ बजे संचालन भएको साधारणसभामा क्लबका कोषाध्यक्ष सपना बि.क ले आर्थिक प्रतिवेदन र क्लबका अध्यक्ष विवश विष्टले आव २०७९/८० को कामकारबाही र आव २०८०/८१ का कार्यक्रम लाई समेटी अध्यक्षको प्रतिवेदन प्रस्तुत गर्नुभएको थियो ।
साधारणसभाले विभिन्न ३ प्रस्ताव पारित गरेको छ । क्लबका उपाध्यक्ष इन्द्रजित विष्टको स्वागत मन्तव्य रहेको सभाको संचालन कार्यबाहक सचिव प्रमिला कुुँवरले संचालन गर्नुभएको थियो।
