रिया बस्नेत क्षेत्री 
नेकपा माओवादी केन्द्रले सुरु गरेको जनतासंग माओवादी बिशेष रुपान्तरण अभियानकाे बुटवल नगर समितीको नगर बैठक सम्पन्न भएको छ । बुटवलमा उपमहानगरपालिका अध्यक्ष महेन्द्र भुसालकाे अध्यक्षता तथा नेकपा माओवादी केन्द्रका स्थायी कमिटी सदस्य तथा रुपन्देहीका अभियान ईन्चार्ज गणेशमान पुनको प्रमुख आतिथ्यतामा बैठक सम्पन्न भएको हो ।
बैठकमा प्रमुख अतिथी पुनले पार्टीका नेता तथा कार्यकर्ताहरुलाई लक्ष्य, उदेश्य, रणनितिक कार्यक्रम सहित काम गर्न आग्रह गरेका छन । उनले यो अभियान जनतासंग माओवादी बिशेष रुपान्तरण अभियान भएकोले यसलाई सान्दर्भिकताका साथ जनताकाे घरदैलाेमा पुग्ने गरी अगाडि बढ्न सबैलाई निर्देशन समेत दिए। उनले माओवादीले हिजो गरेको आन्दोलनबाट देशको ब्यवस्था बदलिएको र अब जनताको अवस्था बदल्न तीन महिने अभियान थालेको बताउनु भयो ।
त्यस्तै लुम्बिनी प्रदेश अध्यक्ष् सुदर्शन बरालले
संघियता आए पनि संघियताको मुल मर्म बुझन नसेकेको बताउदै पछिल्लो समय पहिचानका मुद्धाहरु उठिरहेको बिषयलाई जोड दिदै अबका दिनमा स्थानिय जनशक्तिलाई प्रयोग गरी ,रोजगारमुलक कार्यक्रम आयोजना गर्न, देशको आर्थिक क्षेत्रमा परिर्वतन ल्याउन सबै नेता, कार्यकर्ता र जनतालाई उत्पादनमा जोडिन बताए । अध्यक्ष बरालले देशलाई नयाँ ठाउमा लैजाने हो भने नयाँ संकल्प गर्नुपर्ने बताउँदै त्यसको लागी सक्षम, योग्य , पार्टी र लिडरसिप आवश्यक भएको बताए ।
कार्यक्रममा नेकपा माओवादी पार्टीका केन्द्रिय सदस्य तथा बुटवल उपमहानगरपालिका अभियान ईन्चार्ज नारायणी शर्माले पार्टीलाई बदल्नका लागी रुपान्तरण अभियान ल्याएको बताईन । उनले देशको नेतृत्व गर्न सक्ने पार्टी माओवादि मात्रै भएकाे कारण अव पाटी भित्रपनि परिर्वतन आवश्यक भएको बताईन ।
कार्यक्रममा नेकपा माओवादी पार्टीका केन्द्रिय सदस्य चक्र ब्यु थापा रुपन्देही जिल्ला संयाेजक निर्मल जिसि प्रदेश सचिवालय सदस्य रिज्जु श्रेष्ठ लगायतले मन्तब्य राखेका थिए । भने नमनारायण घिमिरेले शुभकामना मन्तव्य र नगर सचिव सागर न्याैपानेले कार्यक्रम संचालन गरेका थिए ।
