काठमाडौं -भारतीय गायक तथा सङ्गीत ब्यान्ड सनमका मुख्य गायक सनम पुरीले इन्गेजमेन्ट गरेका छन् । उनले प्रेमिका जुचोबेनी टुङ्गोयसँग मार्च ११ मा इन्गेजमेन्ट गरेका हुन् । सामाजिक संजाल इन्स्टाग्राममा सनम र जुचोबेनीले तस्विर सेयर गर्दै यसबारे जानकारी गराएका हुन् ।
यी दुईले आफ्ना चारवटा तस्बिर पोस्ट गर्दै ‘र हाम्रो इन्गेजमेन्ट भयो’ भनेर क्याप्सनमा लेखेका छन् । इन्गेजमेन्ट मार्च ११ तारिखमा भएको थियो । सनम नेपालकी पूर्व मिस नेपाल अस्मी श्रेष्ठसँग प्रेम सम्बन्धमा थिए । यी दुईको करिब तीन वर्षको प्रेम सम्बन्ध टुटेपछि सनम नागाल्याण्डकी मोडल जुचोबेनीसँगको प्रेममा थिए ।
पूर्वमिस नेपाल अस्मीलाई सनमले धोका दिएको भन्दै नेपाली मिडियामा केही समय पहिले समाचार आएका थिए । अस्मी श्रेष्ठ र भारतीय गायक सनम पुरीले झण्डै तीन वर्ष डेट गरेका थिए । प्रेममा रहँदा दैनिकजसो रोमान्टिक तस्वीर इन्स्टाग्राममा पोस्ट गरिरहन्थे ।
प्रेममा रहँदा सनमले अस्मीलाई सम्बोधन गर्द मर्मस्पर्शी प्रेमपत्र पनि लेखेका थिए, जहाँ उनले अस्मीलाई भविष्यकी रानी भन्दै प्रशंसा गरेका थिए । तर यो जोडी अलग भएसंगै अहिले सनमले अर्कै प्रेमिका जुचोबेनीसंगको इन्गेजमेन्ट तस्बिर सार्वजनिक गरेका छन् ।
