माघ ३ – अष्ट्रेलियाको सिड्नीमा बस्दै आएकी एक नेपाली युवती मृत अवस्थामा फेला परेकी छन्। सिड्नीस्थित अर्चामनमा बसोबास गर्दै आएकी २२ वर्षिय सुस्मिता कपाली मृत अवस्थामा भेटिएकी हुन्।काठमाडौंको कीर्तिपुर घर भएकी कपाली अध्ययनका लागि २ वर्षअघि अष्ट्रेलिया आएकी थिइन्। हाल एमपीएल पढिरहेकी उनको घटनाबारे न्यु साउथ वेल्स प्रहरीले अनुसन्धान गरिरहेको छ।मृतक सुष्मितालाई नजिकबाट चिन्ने सीड्नीका युवा उद्यमी उद्धव भट्टले यो घटनाले आफू निकै आश्चर्यमा परेको र दुःखीत भएको बताए। मिजासिली स्वाभावकी सुष्मिताको असामहिक निधनले आफू निकै स्तब्ध भएको र सुष्मिताको परिवारलाई भेटेर सान्त्वतासमेत दिएको उनले बताए।
मृतकको शव नेपाल पठाउन न्युसाउथ वेल्समा गैर आवासीय नेपाली संघले गो-फण्डमि मार्फत सहयोग संकलन सुरू गरेको छ । अभियानबाट १० हजार डलर संकलन गर्ने लक्ष्य राखिएकोमा हालसम्म १३ हजार ६ सय ५९ डलर संकलन भइसकेको छ। परिवारको अनुमतिमा सहयोग संकलन सुरु गरिएको संघका युवा संयोजक बिक्रम दाहालले जानकारी दिए।
यो पनि पढ्नुहोस्, हङकङमा हाइकिङमा गएका दुईजनाको मृत्यु भएको छ। साउथ चाइना मर्निङ पोस्टका अनुसार शनिबार भएको दुई छुट्टाछुट्टै घटनामा परी उनीहरुको मृत्यु भएको हो। उनीहरु दुवैजना ६० को दशकका मानिसहरु रहेको समाचारमा उल्लेख छ।साउथर्न लान्टाउस्थित लिङ वुईमा ६४ वर्षीय लो थर गरेका पुरुषको मृत्यु भएको समाचारमा उल्लेख छ। यसअघि नै उनी विभिन्न स्वास्थ्य समस्याको सामना गर्दै आएका थिए।
प्रहरीका अनुसार साथीहरुसँग हाइकिङमा जाँदै गर्दाको उनको मृत्यु भएको हो। उनका साथीहरुले तत्काल प्रहरीलाई खबर गरेका थिए। त्यस्तै स्ट्यान्ली विल्सन ट्रेलमा ६३ वर्षीय अर्का वोङ थर गरेका पुरुषको मृत्यु भएको छ।उनको पनि शनिबार नै मृत्यु भएको हो। उनीहरु दुवैलाई स्थानीय अस्पतालमा उपचारको लागि भर्ना गरिएको थियो। तर, अस्पतालले उनीहरुलाई मृत घोषणा गरेको थियो।
समाचार प्रकाशनको समय भुलवस अर्को तस्विर पोष्ट हुन पुगेकोमा क्षमायाचना माग्दछौ । यसबाट पर्न गएको असरप्रति बुटवल दैनिक डट कम ले गहिरो दु:ख व्यक्त गर्दछ र आउँदा दिनमा यस्तो कार्य न दोहोरिने विश्वास दिलाउन चाहन्छौ । –सम्पादक