नवलपरासी/ कार्तिक :- पश्चिम नवलपरासीको रामग्राम नगरपालिकाले १९ जना महिला सामुदायिक स्वास्थय स्वयंसेविकाहरुलाई सम्मान गरि बिदाई गरेको छ । नगरपालिकाले ६० उमेर पुगेका १९ जना महिला स्वास्थ्य स्वयंसेविकाहरुलाई ५० हजार नगद राशी प्रदान गर्दै एक कार्यक्रम बिच सम्मान सहित बिदाई गरेको हो ।
कार्यक्रमलाई सम्बोधन गर्दै नगर प्रमुख नरेन्द्र कुमार गुप्ताले ६० बर्ष पुगेका १९ जना स्वास्थ्य स्वयंसेविकाहरुले ४३ बर्ष निरन्तर स्वास्थ्य क्षेत्रमा योगदान पुर्याएकोले स्वयंसेविकाहरुको उच्च प्रशंसा, मूल्यांकन गर्दै सम्मान गरेको बताए । स्वास्थ्य स्वयंसेविकाहरुलाई नगरपालिका संग सवान्य गरी आगामी दिनमा पनि आफ्नो अनुभव अनूसार नगरपालिकालाई सहयोग गर्न आग्रह गर्दै स्वयंसेविकाहरुको आगामी दिन सुखद, र स्वास्थ्यकर रुपमा वितोस भनि कामना गरेका थिए ।
त्यस्तै कार्यक्रममा नगर उप-प्रमुख रम्भा कुँवरले स्वास्थ्य स्वयंसेविकाहरुले समाजमा पुर्याएको योगदानको प्रशंसा गर्दै यसको कुनै मुल्यले तौलिन नसक्ने बताइन। उप प्रमुख कुँवरले स्वास्थ्य स्वयंसेविकाहरु विगत लामो समयदेखि नगरपालिका तथा राष्ट्रको स्वास्थ्य अभियान र कार्यक्रमहरुमा क्रियाशिल भएर काम गर्दै आएकाले उहाँहरु प्रति उच्च सम्मान व्यक्त गर्दै आफनो अनुभव र ज्ञान अझैपनि आफनो गाउँठाउँमा प्रयोग गरी सहयोग गर्ने बताइन् ।
रामग्राम नगरपालिका नगर प्रमुख नरेन्द्र कुमार गुप्ताको अध्यक्षतामा भएको बिदाई कार्यक्रममा निमित्त प्रमुख प्रशासकिय अधिकृत रुद्र प्रसाद रेग्मी, स्वास्थ्य शाखा प्रमुख रामनरेश राय, हकुई स्वास्थ्य चौकीका ईन्चार्ज निजाय अहमद, पत्रकार हुसैन अंसारी,सुहाराका तिर्थ ढुङ्गाना, स्वास्थ्य स्वयसेविका सत्यवति मिश्रा लगायतले शुभकामना मन्तब्य राखेका थिए ।
कार्यक्रम सिनियर अहेव अधिकृत बलराम सापकोटाले संचालन गरेका थिए भने कार्यक्रममा स्वास्थ्य शाखाका अनिल खडकाले स्वगत मन्तब्य राखेका थिए । कार्यक्रममा स्वास्थ्य शाखाका हेल्थ असिस्टेन्ट सुरज गौतमले सहजीकरण गरेका थिए । त्यस्तै कार्यक्रममा विभिन्न शाखाका प्रमुख, प्रतिनिधि र पत्रकारहरु लगायतका उपस्थिती समेत रहेको थियो ।