गुल्मी :- गुल्मीमा कात्तिक १ गते डहरे खोलाको बाढीले गुडिरहेको जिप बगाएको थियो । उक्त जिप फेला परेको छ ।
बुटवलबाट वामी तर्फ आउँदै गरेको लु १ ज ३४३२ नम्बरको बोलेरो जिप जिल्लाको सत्यवती गाउँपालिका वडानम्बर–६ डहरे खोला तर्ने क्रममा बगेर बेपत्ता भएको थियो ।
बगेको स्थानबाट ८ सय मिटर तल क्षतविक्षेत अवस्थामा बिहीबार जिप फेला परेको स्थानीय ज्ञानहरी सापकोटाले बताउनुभयो । जिपमा चालक सहित ९ जना यात्रुहरु रहेका थिए ।
जिप खोला नजिक दलदलमा फसेपछि यात्रु र चालक ओर्लिएका थिए । त्यसलगत्तै माथिबाट आएको लेदो सहितको पानीले जिप बगाएको थियो ।
जीपसँगै यात्रुहरुका सबै समानहरु बगेका थिए । यसअघि बर्खाको समयमा पनि डहरे खोलाले मालबाहक ट्रक बगाएको थियो ।
गुल्मी जिल्लाको क्षेत्र नम्बर १ मा पर्ने रिडी–वामी सडकखण्डमा डहरे खोला पर्दछ । यो सडक खुलेको वर्षौं भएपनि खोलाहरुमा पक्की पुल बन्न सकेको छैन । सडक कालोपत्रे पनि भएको छैन ।
त्यसैले जोखिम मोलेरै सयौं सवारीका साधनहरु गुल्मी जिल्लासँगै छिमेकी जिल्ला बाग्लुङको बुर्तिबाङसम्म यही सडकबाट आउ–जाउ गर्छन् ।
