गुल्मी, २० साउन – जगदम्बा मोटर्स कम्पनीको टिभीएस मोटरसाइकलको नयाँ शोरुम गुल्मीको तम्घासमा सुभारम्भ गरिएको छ । बुधबार रेसुङ्गा नगरपालिका १ पुतलीबजारमा एक कार्यक्रमको आयोजना गरी उद्योग बाणिज्य संघ गुल्मीका अध्यक्ष श्रीप्रसाद भलामी र नेपाली कांग्रेस गुल्मीका सभापति भुवनप्रसाद श्रेष्ठले टिभीएस मोटरसाइकलको नयाँ शोरुम शुभारम्भ गरेका हुन् ।
उद्योग वाणिज्य संघ गुल्मीका अध्यक्ष श्री प्रसाद भलामीले उद्धघाटन गर्दै जगदम्बा मोटर्सले टिभीएस कम्पनीको होरुम गुल्मीको सुन्दरनगरी तम्घास बजारमा शुुभारम्भ भएको र कम्पनीको व्यवसायिक हक हितका लागि वाणिज्य संघ गुल्मीले सहकार्य गर्ने बताए । भलामीले कम्पनीलाई व्यवसायिक सफलताको शुभकामना दिए ।
गुल्मीमा सुभारम्भ भएको कम्पनीले गुल्मेली जनताको माग र आवश्यकतालाई मध्येनजर गरी ग्रहाकलाई सेवा प्रवाह गर्न वाण्ज्यि संघका अध्यक्ष भलामीले आग्रह गरेका छन् । उनले व्यवसाय गर्दा व्यवसायिक धर्मलाई निभाएर व्यवसाय गर्न र व्यवसायिक हक हितका लागि वाणिज्य संघ गुल्मी सहकार्य गरी अगाडि बढ्ने अध्यक्ष भलामीले बताए ।
तम्घासको शोरुममा टिभीएस कम्पनीका मोटरसाइकल अपाचे १६० सीसी, अपाचे १८०, अपाचे २०० सीसी, फिनिक्स १२५ सीसी ,स्ट्राइकर १२५ सीसी, र स्टारसिटी प्लस ११० सीसी, स्पोर्ट १०० सीसी, र स्कुटर सेग्मेंटमा ११० सी सीका उपलब्ध हुने टिभिएस व्रान्च म्यानेजर डेभिड केसीले जानाकारी दिए । टिभीएस कम्पनीको गुल्मी सदरमुकाम तम्घासको आधिकारिक बिक्रेता दिपशीखा टे«डिङ्ग रहेको छ । टिभीएस मोटरसाइकलको नयाँ शोरुमसँगै प्रिती ट्याक्टरको पनि शोरुम सञ्चालनमा आएको छ ।
अहिले बजारमा आएका टिभीएसका नयाँ मोटरसाइकल र स्कुटरहरुमा नयाँ प्रविधि प्रयोग गरी निर्माण गरिएकाले आकर्षण बढ्दो देखिन्छ । तम्घासमा संचालनमा आएको टिभीएस कम्पनीले ग्राहकको माग र आवश्यकता अनुसार बिभिन्न स्थानमा शोरुम तथा सेवा बिस्तार गर्ने टिभीएस गुल्मी शाखाले जनाएको छ ।
कम्पनीले टिभीएसका मोटरसाइकल तथा स्कुटर श्रावण २० देखी २५ सम्म एक्सचेन्ज अफर ल्याएको छ । ग्रहाकलाई स्कुटर खरिदमा ६ हजार र मोटरसाइकल खरिदमा ८ हजार क्यास छुट दिइने कम्पनीले जनाएको छ ।
