रैनादेवी छहरा गाउँपालिकामा कोविड अस्पताल उद्घाटन

पाल्पा,जिल्लाको रैनादेवी गाउपालिकाले ५ शैयाको कोभिड १९ अस्पतालको उदघाटन गरेको छ । गाउँपालिकाले कोरोना संक्रमित विरामीहरुको उपचार गर्ने उधेश्यले वडा न ४ मा रहेको स्वास्थ्य चौकीमा ५ शैयाको कोभिड अस्पताल उदघाटन गरेको हो ।

कार्यक्रमका प्रमुख अतिथि गाउँपालिर्को अध्यक्ष राम बहादुर कार्कीले अस्पतालको उदघाटन गर्दे विश्वमा माहामारीको.रुपमा फैलिएको कोरोनाका कारण पालिकाका नागरिकहरुलाई पालिका भन्दा बाहिर उपचारको लागि जान नपरोस भनि पालिकाले कोभिड अस्पताल उदघाटन गरिएको बताउनु भयो । विगतका दिनहरुमा नागरिकहरुलाइ्र्र कोविड १९ बाट संक्रमित भएको अवस्था मिसन अस्पताल,लुम्बिनी मेडिकल कलेजमा उपचारको लागि लैजान पर्ने बाध्यता रहे पनि अबका दिनमा नागरिकहरुले आफनै पालिकाको कोविड अस्पतालबाट सर्वसुलर्भ रुपमा सेवा प्राप्त गर्न बताउनु भयो । साथै अध्यक्ष कार्कीले रैनादेबी छहरा गाउँपालिकाले विश्वमा महामारीको रुपमा कोरोना फैलिएर त्यस्को असर नेपालमा परे देखि पालिकाका नागरिकहरुलाई स्वदेश ल्याउने,क्वारेन्टाइनमा राख्ने, कोरोनाको परिक्षण गरि संक्रमित नागरिकहरुलाई निशुल्क उपचार गर्ने कोरोनाबाट स्वदेश फिर्ता भएका युवाहरुलाई स्वरोजगार बनाउन युवाहरुलाई कृषिमा अनुदानका कार्यक्रम तथा बाझो जमिनको सदुपयोग गर्ने नागरिकहरुलाई प्रति रोपनी अनुदानको व्यवस्था र गरिब तथा दैनिक मजदुरी गर्ने कृषकहरुलाई राहत वितरण लगाएत काम गरेको बताउदै अब छिटै ५५ बर्ष भन्दा बढी उमेरका जेष्ठ नागरिकहरुलाई खोप अभियान सञ्चालन गरिने बताउदै तयस अभियानमा नागरिकहरु उपस्थित हुन आग्रह गनर्् भयो ।

कार्यक्रमका विशिष्ट अतिथि गाउँपालिकाकी उपाध्यक्ष चेत कुमारी थापाले गाउँपालिकाले आफनै पालिकामा अस्पताल निमार्ण गरेकोले कोविड सम्बन्धी लक्षण देखिएमा नागरिकहरुलाई अस्पतालमा आई उपचार गर्न आग्रह गनु भयो ।
कार्यक्रमका प्रमुख प्रशासकिय अधिकृत इन्द्र बहादुर खत्रीले मानिसको सबैको भन्दा ठुलो सम्पती स्वास्थ्य भएको बताउदै गाउपालिकाले नागरिकहरुको स्वास्थ्यलाई मध्ये नजर गरि विभिन्न स्वास्थ्यका कार्यक्रमहरु सञ्चालन गरेको र अहिले पालिकाका नागरिकहरु कोविड १९ बाट संक्रमित भएमा उपचारको लागि पालिका भन्दा बाहिर जानु नपरोस भनि कोविड अस्पताल स्थापना गरिएको बताउनु भयो ।

अस्पतालमा एक जना एम वि वि एस डाक्टर सहितको स्वास्थ्य कर्मी रहेने छन । जस्ले २४ घण्टै विरामी सेवा प्रदान गर्ने पालिकाले जनाएको छ । कार्यक्रम सामाजिक विकास समितिका संयोजक तथा वडा नं ४ का वडा अध्यक्ष बिष्णु पोखरेलको अध्यक्षता र स्वास्थ्य शाखा प्रमुख जीबन रानाले सञ्चालन गनु भएको थियो ।