प्रधानमन्त्री ओली गरे विप्लवको प्रशंसा

नेत्रविक्रम चन्द विप्लवले सहासिक कार्य गरेको भन्दै प्रधानमन्त्री केपी शर्मा ओली प्रशंसा गरेका छन् । उनी नेतृत्वको नेकपा र सरकारबीच भएको सहमतिपत्रका हस्ताक्षर कार्यक्रममा बोल्दै उनले सरकारसँग वार्ता गरी सहमति गरेर सहासिक कार्य गरेको भन्दै विप्लवको प्रशंसा गरेका हुन् ।

उनले सरकारको सहमति गर्ने विप्लवको कदमले नेपाली जनताको मन धेरै जितेको बताए । उनले विप्लवले सेफ ल्याण्डिङ गरेर अरू सफलतापूर्वक अगाडि बढ्ने सम्भवानाको बाटो खोलिदिएको पनि बताए ।

‘विप्लवले एउटा कदमबाट नेपाली जनताको मन धेरै जित्नुभएको छ । यो सहासिक कदम हो । जो सुकैले एउटा कार्य दिशा बाटो समातेर हिँडिरहेको ठाउँमा कार्यकर्तालाई मोडन सक्दैन थिए । यो फोर्स ल्याण्डि होइन, यो क्र्यास ल्याण्डिङ पनि होइन । यो सेफ ल्याण्डिङ हो । बहुतै राम्रो ढंगले अरू सफलतापूर्वक अगाडि बढाउने सम्भावनाहरूको बाटोमा, सपनाहरूलाई पूरा गर्ने अझ प्रवल सम्भावनाको बाटोमा उहाँले योगदान गर्नुभएको छ,’ उनले भने ।